2016-12-12 21:18:26, 3385 ნახვა
მსოფლიო
სპეცოპერაცია თურქეთში - დაკავებულია 235 ადამიანი
თურქეთში დაჯგუფება “ქურთისტანის მუშათა პარტიასთან” კავშირში ეჭვმიტანილი 235 ადამიანი დააკავეს, ამის შესახებ ინფორმაციას ქვეყნის შინაგან საქმეთა სამინისტრო ავრცელებს.
თურქეთის შსს-ს ინფორმაციით, დაკავებულებს შორის არიან პროქურთული ოპოზიციური “სახალხო დემოკრატიული პარტიის” წევრებიც.
მათივე ინფორმაციით, სპეცოპერაცია 11 პროვინციაში ჩატარდა. დაკავებულებს “ტერორისტული ჯგუფების პროპაგანდის გავრცელებაში” ადანაშაულებენ.
ჯერჯერობით უცნობია, უკავშირდება თუ არა დაკავებები სტამბოლში განხორციელებულ აფეთქებებს, რომლებსაც, ბოლო ცნობით, 44 ადამიანი ემსხვერპლა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
