2016-12-11 01:32:38, 2634 ნახვა
მსოფლიო
გავრცელებული ინფორმაციით, სტამბოლში აფეთქებებს სულ მცირე 15 პოლიციელი ემსხვერპლა
სტამბოლში, ტაქსიმის მოედანთან მომხდარი ორი აფეთქების შედეგად სულ მცირე 15 პოლიციელი დაიღუპა.
ინფორმაციას ჯერჯერობით არ ადასტურებენ თურქეთის შინაგან საქმეთა სამინისტროში, თუმცა, ამბობენ, რომ ტერაქტების შედეგად 20-მდე ადამიანი დაშავდა.
შეგახსენებთ, თურქეთში, სტამბოლის ცენტრში, ტაქსიმის მოედანთან მდებარე სტადიონთან აფეთქება მოხდა. შემთხვევის შედეგად არიან დაშავებულები და დაღუპულები, თუმცა ამ დროისთვის მათი რაოდენობა დაზუსტებული არ არის. გავრცელებული ინფორმაციით, მოედანთან განხორციელდა ორი აფეთქება, რის შემდეგაც ისმოდა სროლის ხმა. ასაფეთქებელი მოწყობილობა მანქანაში იყო მოთავსებული.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
