სტამბოლში, ტაქსიმის მოედანთან ორი აფეთქება მოხდა - არიან დაშავებულები და დაღუპულები

2016-12-11 00:48:04, 3284 ნახვა

მსოფლიო

თურქეთში, სტამბოლის ცენტრში, ტაქსიმის მოედანთან მდებარე სტადიონთან აფეთქება მოხდა, ამის შესახებ ინფორმაციას BBC-ი ავრცელებს.

ტელეკომპანიის ინფორმაციით, შემთხვევის შედეგად არიან დაშავებულები და დაღუპულები, თუმცა ამ დროისთვის მათი რაოდენობა დაზუსტებული არ არის.

გავრცელებული ინფორმაციით, მოედანთან განხორციელდა ორი აფეთქება, რის შემდეგაც ისმოდა სროლის ხმა. ასაფეთქებელი მოწყობილობა მანქანაში იყო მოთავსებული.

CNN Turk-ი ქვეყნის შინაგან საქმეთა მინისტროზე დაყროდნით იუწყება, რომ დაშავებულია 20-მდე ადამიანი.

ამ დროისთვის ადგილზე მობილიზებულია სასწრაფო დახმარების ბრიგადები.

თავდასხმა ბეშიქთაში-ბურსასპორის მატჩის შემდეგ მოხდა.

დაუდასტურებელი ინფორმაციით, თავდასმის სამიზნე სტადიონთან მყოფი სპეცრაზმი იყო.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან