საგარეო საქმეთა მინისტრის პირველი მოადგილის მოვალეობის შემსრულებელი, დავით ზალკალიანი, გლობალურ საკითხებში აშშ-ის ჯანდაცვისა და სოციალური მომსახურების დეპარტამენტის მდივნის თანაშემწეს, ჯიმი კოლკერს შეხვდა.

საგარეო უწყების ინფორმაციით, შეხვედრისას აღინიშნა ორ ქვეყანას შორის თანამშრომლობის უპრეცედენტო დონე, საქართველოსა და აშშ-ს სტრატეგიული პარტნიორობის განმტკიცების მნიშვნელობა, მათ შორის აშშ-საქართველოს სტრატეგიული პარტნიორობის ქარტიის კომისიის ფარგლებში გაწეული და სამომავლო სამუშაოს კუთხით.

ამერიკულმა მხარემ დასძინა, რომ მიუხედავად საქართველოსა და აშშ-ში ახლახან ჩატარებული არჩევნებისა, ორი ქვეყნის ახლადარჩეული ადმინისტრაციები კვლავ აქტიურად განაგრძობენ ქვეყნებს შორის არსებულ ღრმა და ყოვლისმომცველ თანამშრომლობას ყველა მნიშვნელოვანი მიმართულებებით, მათ შორის ჯანდაცვისა და სოციალური უზრუნველყოფის მხრივ.

საუბრისას განსაკუთრებული აქცენტი გაკეთდა ძალზე წარმატებული C-ჰეპატიტის პროგრამის მიმართულებით ერთობლივი მუშაობის გაგრძელების აუცილებლობაზე, ასევე საქართველოს ოკუპირებულ ტერიტორიებზე მცხოვრები მოსახლეობისათვის ჯანდაცვასა და სოციალურ მომსახურებაზე წვდომის უზრუნველყოფის მნიშვნელობაზე, ასევე ამ მიმართულებით ჩართულობის მხრივ ხელშესახები შედეგების მიღწევაზე.

შეხვედრისას აღინიშნა საქართველოს და კერძოდ ქვეყნის პრემიერ-მინისტრის, გიორგი კვირიკაშვილის მიერ გაჟღერებული ძალისხმევა და აქტიური ჩართულობა ჯანდაცვის მიმართულებით გლობალური დღის წესრიგის რეალიზებაში. მხარეებმა განსაკუთრებული ყურადღება დაუთმეს როგორც საქართველოს ლიდერობას და მიღწეულ შედეგებს ინფექციურ დაავადებებთან ბრძოლის კუთხით, ისე ქვეყნის აქტიურ ჩართულობას ბიოლოგიური უსაფრთხოების უზრუნველყოფასა და ამ მხრივ არსებულ სამეცნიერო პროგრამებში.

მხარეები შეთანხმდნენ ზემოაღნიშნული მნიშვნელოვანი მიმართულებებით ორმხრივი თანამშრომლობის გაგრძელების აუცილებლობაზე, რათა გამოყენებულ იქნას ამ კუთხით არსებული უზარმაზარი პოტენციალი. 

შეხვედრას ასევე ესწრებოდა აშშ-ში საქართველოს ელჩი, დავით ბაქრაძე.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

24 მოქმედი თანამდებობის პირი 30 კომპანიის დირექტორიცაა, რაც კანონდარღვევაა - transparency international

დაჯგუფების წევრებს, რომლებიც მამაკაცებს ქალების სახელებით ეცნობოდნენ, შემდეგ სცემდენ და აღაჩაღებდნენ ბრალი წარედგინათ

დააგროვეთ MR ქულები საკრედიტო Amex ბარათით საქართველოს ტერმინალზე - ისარგებლეთ განსაკუთრებული პირობით ბარათის აღებისას

მოსამართლეთა კორუმპირებულობაზე მოსამართლე ნადარაიასა და ნიკა გვარამიას შორის დაპირისპირება იყო - ვიდეო