2016-11-18 18:51:52, 761 ნახვა
პოლიტიკა
პარლამენტში გიორგი მარგველაშვილის, გიორგი კვირიკაშვილისა და ირაკლი კობახიძის შეხვედრა გაიმართა
მე-9 მოწვევის პარლამენტის სხდომის გახსნის შემდეგ საქართველოს პრეზიდენტი გიორგი მარგველაშვილი პრემიერმინისტრის მოვალეობის შემსრულებელს გიორგი კვირიკაშვილს და პარლამენტის თავმჯდომარეს ირაკლი კობახიძეს შეხვდა.
როგორც პრეზიდენტის ადმინისტრაციიდან "ექსპრენიუსს" აცნობეს, შეხვედრაზე საქართველოს პრეზიდენტმა ირაკლი კობახიძეს პარლამენტის თავმჯდომარედ არჩევა მიულოცა, პარლამენტს კი, ნაყოფიერი მუშაობა უსურვა.
შეხვედრაზე, რომელიც პრეზიდენტის ინიციატივით გაიმართა, ინსტიტუტებს შორის თანამშრომლობის მნიშვნელობაზე და სამომავალო თანამშრომლობის გეგმებზე ისაუბრეს.
ცნობისთვის, მე-9 მოწვევის პარლამენტი პირველ სხდომას მართავს.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
