2015-03-20 10:21:51, 848 ნახვა
სამართალი
სასარგებლო წიაღისეულის უკანონო მოპოვების ფაქტი გამოავლინდა
გარემოსდაცვითი ზედამხედველობის დეპარტამენტის სამეგრელო-ზემო სვანეთის სამსახურის თანამშრომლებმა, მორიგი პრევენციული ღონისძიებების გატარების დროს, სასარგებლო წიაღისეულის უკანონო მოპოვების ფაქტი გამოავლინეს.
"კერძოდ, ქალაქ ფოთის ტერიტორიაზე სამართალდამრღვევი, სათანადო ლიცენზიის გარეშე ახდენდა ქვიშის მოპოვებას.
უნებართვოდ მოპოვებული ინერტული მასალა გატანილია მოპოვების ადგილიდან.
გარემოსთვის მიყენებული ზიანის ოდენობა 2250 ლარს შეადგენს.
აღნიშნული ფაქტი შეიცავს სისხლის სამართლის ნიშნებს. მასალები შემდგომი რეაგირებისთვის გადაეგზავნება სამეგრელო-ზემო სვანეთის საოლქო პროკურატურას",-ნათქვამია გარემოს დაცვითი ზედამხედველობის დეპარტამენტის განცხადებაში.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
