"ცუდია, თუ სახალხო დამცველი ასწრებს სასამართლოს და ერევა მის საქმეებში", - ასე გამოეხმაურა საქართველოს ყოფილი პრემიერ-მინისტრი ბიძინა ივანიშვილი ე.წ. კაბელების საქმესთან დაკავშირებით უჩა ნანუაშვილის განცხადებას, რომლის მიხედვითაც, თავდაცვის სამინისტროს ყოფილი მაღალჩინოსნების დანაშაულის ნიშნები არ იკვეთება.

ივანიშვილის თქმით, სასამართლოს საბოლოო გადაწყვეტილებამდე მას შეფასების გაკეთება არ სურს, თუმცა ფიქრობს, რომ არამიზნობრივად დახარჯული 5 მილიონი ლარის საკითხი კითხვებს აჩენს.

"სახალხო დამცველი თუ ასეთ აზრს გამოთქვამს სასამართლოს დამთავრებამდე, ძალიან ცუდია. ის ასწრებს სასამართლოს და ერევა მის საქმიანობაში. მე პირადად არ მომისმენია მისი ეს განცხადება, ზოგადი დამოკიდებულებაა, რომ არ არის დამტკიცებული, რომ მათ ეს ჯიბეში ჩაიდეს, ეს ვერ დაამტკიცა პროკურატურამ, მაგრამ არამიზნობრივად გაფლანგული 5 მილიონი ლარი კითხვებს იწვევს. მე არ ვარ მოსამართლე და არ ვაპირებ დასკვნები გავაკეთო, დაველოდოთ სასამართლოს", - აღნიშნა ივანიშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„არმია იარაღს კრემლის წინააღმდეგ მიმართავს“ უკრაინასთან ომის ვეტერანმა პუტინის წინააღმდეგ სამხედრო ამბოხება იწინასწარმეტყველა

ტრამპის ირანთან შეთანხმების შემდეგ, რუსული ნავთობის ფასი 50 დოლარამდე დაეცა

კომუნიკაციების კომისია სარედაქციო დამოუკიდებლობაში ჩაერია და „ტვ პირველი“ 2500 ლარით დააჯარიმა

თსსუ-ს საუნივერსიტეტო კლინიკიდან ვარდნის შედეგად ქალი დაიღუპა