საპარლამენტო არჩევნების კამპანიის ფარგლებში ნუგზარ სურმანიძე და მუხრან ვახტანგაძე მოსახლეობასთან შეხვედრებს აგრძელებენ.

ამჯერად, დეპუტატობის კანდიდატები სხვა მაჟორიტარ კანდიდატებთან და საქართველოს პარლამენტის წევრებთან ერთად კაკაბაძისა და შარაშიძის ქუჩის ამომრჩეველს შეხვდენენ.

„ჩვენ ვაგრძელებთ მოსახლეობასთან შეხვედრებს, ვაცნობთ თუ რა გაკეთდა განვლილი 4 წლის განმავლობაში და რას ვაპირებთ მომავალში. არის გლობალური პროექტები, რომელთა შესახებ მოსახლეობას უნდა ჰქონდეს ინფორმაცია, ეს გახლავთ ჯანდაცვის, ეკონომიკის, დასაქმების და სხვა მიმართულებები. გარდა ამისა ვეცნობით მოსახლეობის მოთხოვნებს, მათ აქვთ გარკვეული პრობლემები, ეს შეიძლება იყოს გზა, მიწისქვეშა კომუნიკაცია. ჩვენ ამ საკითხებს ვსწავლობთ და მათთან ერთად ყველა ეს პრობლემა დაყვანილი იქნება მინიმუმამდე“, - განაცხადა მოსახლეობასთან შეხვედრაზე ნუგზარ სურმანიძემ.

„ქართული ოცნება დემოკრატიული საქართველოს საარჩევნო პროგრამა არის გათვლილი ქვეყნის სწრაფ განვითარებაზე, ძლიერი ეკონომიკის შექმნაზე და მოსახლეობის დასაქმებაზე, რაც საშუალებას მოგვცემს უფრო მეტად ვიზრუნოთ საზოგადოების კეთილდღეობაზე“-აღნიშნა მუხრან ვახტანგაძემ.

მოსახლეობასთან შეხვედრას ესწრებოდა პარლამენტის წევრი ნუკრი ქანთარია, რომელმაც მოსახლეობას განვლილი 4 წლის განმავლობაში განხორციელბული პროექტების შესახებ დეტალური ინფორმაცია მიაწოდა და მოსახლეობას წარუდგინა ქართული ოცნების საარჩევნო პროგრამა.

8 ოქტომბერს საქართველოს თითოეული მოქალაქე მიიღებს სწორ გადაწყვეტილებას. ეს გადაწყვეტილება იქნება ჩვენი ერთობლივი გამარჯვება.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საია: პარტიების აკრძალვა ევროპული სასამართლოს პრაქტიკაში წონად საფუძვლებს მოითხოვს

მახაშვილი - სერბეთის არჩევნების საკუთარ წარმატებად მონათვლა აჩვენებს, თუ რა ღრმა ილუზიებში იმყოფება ქართული არაკონსტიტუციური ოპოზიცია

კახა კალაძე საკონსტიტუციო სასამართლოში მიმდინარე მოვლენებზე: ოპოზიცია სასამართლოს ტრიბუნას მხოლოდ პოლიტიკური განცხადებებისთვის იყენებს

კირცხალია - ჩვენი აზრით, უნდა გასამართლდეთ და აიკრძალოთ იმიტომ, რომ თქვენ შექმენით წამების, მკვლელობისა და რეკეტის ძალადობრივი სისტემა