ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრმა დავით ბაქრაძე მთავრობის ადმინისტრაციაში, ესტონეთის ყოფილ პრეზიდენტს არნოლდ რუუტელს შეხვდა.

როგორც „ექსპრესნიუსს“ სახელმწიფო მინისტრის აპარატიდან აცნობეს, შეხვედრაზე დავით ბაქრაძემ ესტონეთის ყოფილ პრეზიდენტს ინფორმაცია მიაწოდა დემოკრატიული რეფორმების კუთხით საქართველოს მთავრობის ძალისხმევისა და მიღწევების შესახებ. სახელმწიფო მინისტრმა ხაზი გაუსვა ესტონეთის რესპუბლიკის მუდმივ მხარდაჭერას საქართველოს ევროპულ და ევროატლანტიკური ინტეგრაციის პროცესში.  სახელმწიფო მინისტრმა, ასევე, აღნიშნა, რომ საქართველოს მთავრობის ერთ-ერთი მთავარი პრიორიტეტია აღნიშნულ საკითხებზე სტრატეგიული კომუნიკაცია და საზოგადოების ინფორმირება .

 არნოლდ რუუტელმა ყურადღება გაამახვილა ევროკავშირში გაწევრიანების პროცესში ესტონურ გამოცდილებაზე და  მასთან დაკავშირებული გამოწევები და შესაძლებლობები მიმოიხილა. შეხვედრაზე განსაკუთრებული ყურადღება გამახვილდა საქართველოს ევრო-ატლანტიკური ინტეგრაციის მიმართულებით არსებულ პროგრესზე, ჩრდილო-ატლანტიკური საბჭოს ვიზიტსა და ნატო-საქართველოს არსებითი პაკეტის განხორციელებაზე.

 მხარეებმა, ასევე, ისაუბრეს საქართველოს სტრატეგიული გეო-პოლიტიკური მდებარეობის მხრივ ეკონომიკური გაძლიერების შესაძლებლობებსა და 2017 წელს ესტონეთის ევროკავშირის საბჭოს პრეზიდენტობის პრიორიტეტებზე.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საია: პარტიების აკრძალვა ევროპული სასამართლოს პრაქტიკაში წონად საფუძვლებს მოითხოვს

მახაშვილი - სერბეთის არჩევნების საკუთარ წარმატებად მონათვლა აჩვენებს, თუ რა ღრმა ილუზიებში იმყოფება ქართული არაკონსტიტუციური ოპოზიცია

კახა კალაძე საკონსტიტუციო სასამართლოში მიმდინარე მოვლენებზე: ოპოზიცია სასამართლოს ტრიბუნას მხოლოდ პოლიტიკური განცხადებებისთვის იყენებს

კირცხალია - ჩვენი აზრით, უნდა გასამართლდეთ და აიკრძალოთ იმიტომ, რომ თქვენ შექმენით წამების, მკვლელობისა და რეკეტის ძალადობრივი სისტემა