2016-08-01 16:07:52, 1214 ნახვა
სამართალი
პროკურატურამ პოლიციის მხრიდან შესაძლო ძალადობის ფაქტზე გამოძიება დაიწყო
ბათუმში პოლიციის შენობაში 31 წლის ირაკლი ქაჯაიას შესაძლო ცემის ფაქტზე გამოძიება დაიწყო.
როგორც „ექსპრესნიუსს“ პროკურატურის საზოგადოებასთან ურთიერთობის სამსახურში განუცხადეს, საქმე ძალადობით სამსახურებრივი უფლებამოსილების გადამეტების მუხლით არის აღძრული.
„გიდასტურებთ, რომ გამოძიება დაიწყო. საქმე აღძრულია 333-ე მუხლით, რაც ძალადობით სამსახურებრივი უფლებამოსილების გადამეტებას გულისხმობს“, - განაცხადეს პროკურატურაში.
შეგახსენებთ, გავრცელდა ინფორმაცია, რომ ბათუმის პოლიციის შენობაში სამართალდამცველები მოქალაქეს ფიზიკურად გაუსწორდნენ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
