შრომის, ჯანმრთელობისა და სოციალური დაცვის მინისტრის, დავით სერგეენკოს განცხადებით, ვერც ერთ კვლევას, ვის მიერ ჩატარებულიც არ უნდა იყოს ის, საბოლოოს და ლეგიტიმურს ვერ უწოდებს.

როგორც სერგეენკომ  წინასაარჩევნოდ ჩატარებული კვლევების კომენტირებისას განაცხადა,   მისთვის ერთადერთი ლეგიტიმური კვლევა  არჩევნებია.

„ჩემი პირადი შეხედულება ზოგადად კვლევებზე არის ასეთი, რომ  მნიშვნელოვანია, რა ორგანიზაცია ატარებს კვლევებს. არანაკლებ, უფრო მეტად მნიშვნელოვანია ვინ ახორციელებს ამ კვლევას. ისევე, როგორც მაგალითად ჯანდაცვაში, მნიშვნელოვანია მეთოდოლოგია. ვერც ერთ კვლევას, ვის მიერ ჩატარებულიც არ უნდა იყოს, ვერ ვუწოდებ საბოლოოს და ლეგიტიმურს. ეს არის ერთგვარი  შეწავლა, მოთელვა, რაღაც ინფორმაციის აღება. ერთადერთი ლეგიტიმური არჩევნებია“,-განაცხადა დავით სერგეენკომ.

სოციოლოგ ზურაბ ბიგვავას განცხადებით,  „ქართული ოცნება - დემოკრატიული საქართველოს“ შიდა კვლევებით, პარტიის რეიტინგი 35%-ია, „ნაციონალური მოძრაობის“ კი, 13%-მდე.

„რუსთავი 2“-ის დაკვეთით გერმანულ-ამერიკული ორგანიზაციის GFK-ს სოციოლოგიური კვლევის თანახმად კი,  ტელეკომპანიის ინფორმაციით, კითხვაზე – თუ ჩავთვლით, რომ 8 ოქტომბრის საპარლამენტო არჩევნებში მონაწილეობთ, რომელ პარტიას მისცემდით ხმას გამოკითხულთა 22.4%-მა დაასახელა „ქართული ოცნება“, „ერთიანი ნაციონალური მოძრაობა“ კი 21.7%-მა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჟურნალისტების დადგენილი მოძალადე სპეცრაზმელები დაკავებულები არიან, სისტემამ თავისი საყრდენების ჭამა დაიწყო

პატრიარქობის კანდიდატმა, მიტროპოლიტმა იობმა ზეწოლაზე ისაუბრა - ახსენა სამთავრობო მედია

რეჟიმმა გურამ როგავაზე, ზვიად მაისაშვილზე და ლევან ხაბეიშვილზე 2024 წელს თავდასხმისთვის სპეცრაზმელები დააკავა

უძილაურის ოჯახის ახლობელი: ეს არის ევროპაზე დარტყმა და გიორგი ამ თემაში დაახურდავეს