მთავრობის დადგენილებით  საქართველოს კულტურის  განვითარების  გრძელვადიანი  დოკუმენტი „კულტურის სტრატეგია 2025“ დამტკიცდა, რომელიც საქართველოს  კულტურისა და ძეგლთა დაცვის  სამინისტრომ ფართო საზოგადოებისა და საქართველოს  მთავრობის  უწყებათაშორისი კომისიის ჩართულობით შეიმუშავა.

მთავრობაში აცხადებენ, პირველად საქართველოს ისტორიაში, შეიქმნა დოკუმენტი, რომელიც განსაზღვრავს  სახელმწიფოს ხედვას, მიზნებსა და ამოცანებს, რომელთა განხორციელებაც  ხელს შეუწყობს კულტურის  სხვადასხვა  დარგის წინაშე  არსებული პრობლემებისა და გამოწვევების ეტაპობრივად გადაჭრას.

კულტურის სტრატეგია 2025 გარდა კულტურის  ტრადიციული მიმართულებებისა, ორიენტირებულია შემოქმედებითი  ინდუსტრიების, მათ შორის, შემოქმედებითი სტარტაპების განვითარების ხელშეწყობაზე, რაც ქვეყნისთვის ეკონომიკური და სოციალური  სარგებლის მომტანია.

კულტურის სტრატეგიის შემუშავების პროცესი 2014 წლიდან დაიწყო.სტარტეგიის მთავარი პრინციპია ღიაობა, გამჭვირვალობა და ინკლუზიურობა. სტრატეგიის გარდა, დამტკიცდება 3 წლიანი სამოქმედო გეგმა, სადაც დეტალურად  გაიწერება სახელმწიფოს მიერ დაგეგმილი კონკრეტული აქტივობები.

მნიშვნელოვანია, რომ სტრატეგიისა და მისი სამოქმედო გეგმის განხორციელებას მონიტორინგს საზოგადოება გაუწევს.

„კულტურის სტრატეგიის განხორციელების შედეგად, 2025 წლისთვის საზოგადოებრივი განათლება შემქომედებითობასა და ინოვაციებზე იქნება დაფუძნებული, კერძოდ, მეტი კრეატიული რესურსი იქნება ქვეყანაში, რომელიც ინოვაციური  გადაწყვეტილებების  მიღებას განაპირობებს ქვეყბის განვითარების  ყველა სფეროში.  გაიზრდება საზოგადოების, როგორც ბენეფიციარის, როგორც  შემოქმედის ჩართულობა  კულტურის სექტორში, რაც განაპირობებს  რეგიონში კულტურული ცხოვრების  გააქტიურებას, მიგრაციის შეჩერებას, შემოქმედებითი, თუ  კულტურული პოტენციალის  მოტივაციის გაზრდას, გაჯანსაღებას,  რეგიონების ეკონომიკურად გაძლიერებას,  გაძლიერდება კულტურის სექტორის  სხვა სექტორებთან თანამშრომლობა, აღდგება კულტურული მემკვიდრეობის ძეგლები და გამოყენებული იქნება  მისი ეკონომიკური პოტენციალი, გაიზრდება კულტურის  პროდუქტის  და  მომსახურების ხარისხი, კულტურის  ექსპორტი, გაძლიერდება შემოქმედებითი   ინდუსტრიები და გაიზრდება მისი წილი  ქვეყნის ეკონომიკაში. საქართველოს კულტურა და შემოქმედება  მძლავრად  წარმოჩნდება საერთაშორისო ასპარეზზე და  გაიზრდება ქვეყნის იმიჯი და ცნობადობა. შესაძლებელი გახდება კულტურის დაფინანსების წყაროების  დივერსიფიკაცია, კულტურის ინსტიტუტების საკუთარი  შემოსავლების ზრდა, გაიზრდება კულტურის სექტორის ეკონომიკური ეფექტი ქვეყნის მდგრად განვითარებაში“,-აცხადებენ საქართველოს კულტურისა და ძეგლთა დაცვის სამინისტროში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჟურნალისტების დადგენილი მოძალადე სპეცრაზმელები დაკავებულები არიან, სისტემამ თავისი საყრდენების ჭამა დაიწყო

პატრიარქობის კანდიდატმა, მიტროპოლიტმა იობმა ზეწოლაზე ისაუბრა - ახსენა სამთავრობო მედია

რეჟიმმა გურამ როგავაზე, ზვიად მაისაშვილზე და ლევან ხაბეიშვილზე 2024 წელს თავდასხმისთვის სპეცრაზმელები დააკავა

უძილაურის ოჯახის ახლობელი: ეს არის ევროპაზე დარტყმა და გიორგი ამ თემაში დაახურდავეს