ივანიშვილის მთავრობის საგარეო საქმეთა მინისტრმა მაკა ბოჭორიშვილმა  საქართველოს პირველი არხის გადაცემაში „დღის თემა" ეუთოს ფარგლებში ე.წ. მოსკოვის მექანიზმის ამოქმედება შეაფასა და აღნიშნა, რომ საერთაშორისო ორგანიზაციების გამოყენება პოლიტიკური მიზნებისთვის მზარდ ტენდენციად იქცა.

მისი შეფასებით, მოსკოვის მექანიზმის ფარგლებში მომზადებული ანგარიშის შინაარსი წინასწარ იყო განსაზღვრული: 

„ოცდასამმა ქვეყანამ აამოქმედა მოსკოვის მექანიზმი, წინასწარ დაწერილი დასკვნა, სრულიად ფარსი იყო. იყო ექსპერტის ვიზიტი, უმაღლესი დონის შეხვედრები, რომელშიც ჩვენც მივყევით. ყველანაირი შეხვედრა უზრუნველვყავით, რაც კი მათი მხრიდან იყო მოთხოვნილი, თუმცა კარგად ვაცნობიერებდით იმასაც, რომ ამას მინიმალური გავლენა ექნებოდა წინასწარ მომზადებულ, ეგრეთ წოდებულ ანგარიშზე, რომელსაც წარუდგენდნენ ეუთოს."

მისივე თქმით, მსგავსი ინსტრუმენტების გამოყენების მცდელობა კვლავ გრძელდება, თუმცა მათი ეფექტიანობა კითხვის ნიშნის ქვეშ დგას. მინისტრმა ხაზგასმით აღნიშნა, რომ საქართველოს მედია-გარემოს შესახებ გავრცელებული შეფასებები არ ასახავს ქვეყანაში არსებულ რეალურ ვითარებას:  „მცდელობაა კიდევ ერთხელ მაქსიმალურად გამოიყენონ  ყველანაირი ინსტრუმენტი, მაგრამ რთულია თვალში ნაცარი შეაყარო ყველას და ისაუბრო საქართველოში ადამიანის უფლებების გამოგონილ უმძიმეს მდგომარეობაზე. გარშემო ძალიან ბევრ ადგილას მართლაც უმძიმესი მდგომარეობაა სწორედ ადამიანის უფლებების თვალსაზრისით და არავინ ხმას არ იღებს ამაზე,  და ქვეყანაში, სადაც ამდენი ტელევიზია და ამდენი მედიასაშუალება არსებობს და ამდენნაირი აზრი ტრიალებს მედიაშიც, სოციალურ მედიაშიც და ასე შემდეგ, ამ ქვეყანას ეუბნებოდე რომ თითქოს სიტყვას ზღუდავ და ამ დროს გვერდით გეჯდეს ქვეყანა, სადაც ერთი ტელევიზია მოქმედებს მხოლოდ, და იმას ეუბნებოდე, რომ შენ ხარ დემოკრატიის შუქურა, ასეთი სტანდარტებით ძალიან რთულია რაღაც მიზნებს მიაღწიო" - განაცხადა ბოჭორიშვილამ. 

მისივე თქმით, ამგვარი ქმედებების მიზანი საქართველოს შიდა პოლიტიკურ პროცესებზე გავლენის მოხდენა და საქართველოს ინტერესების დაზიანებაა. 

ავტორი: ექსპრესნიუსი,

სოციალური ქსელები

გიგა ფარულავა - ლევან მაჭავარიანს დაუწერეს და დაადებინეს ეს კონკრეტული განცხადება

ირაკლი ფავლენიშვილი – ერთადერთი, ვინც გარე ძალებისგან დირექტივებს იღებს, ივანიშვილის რეჟიმია

მაჭავარიანი – 2028 წლამდე გარე ძალები კიდევ შემოგვთავაზებენ ოპოზიციის გადალაგების ახალ სქემებს, თუმცა, ნუ დაავიწყდებათ, წინ აქვთ სასამართლო პროცესი

საქართველოს ბანკის მხარდაჭერით თბილისში პირველი ჰიპ-ჰოპ ფესტივალი გაიმართება