სასამართლოზე 11 მოწმე დაიკითხება, მათ შორის, გამომძიებლები, რომლებმაც სავარაუდო ქილერი, გელა უძილაური ამოიცნეს. პროკურატურა ამტკიცებს, რომ უძილაურმა მკვლელობა ანგარებით ჩაიდინა, რასაც მოწმეები დაადასტურებენ. მათ შორისაა კახა ძანძავა - "კანონიერი ქურდის" ძმის მეგობარი, რომელიც დანაშაულის მომენტში ჯანგველაძესთან ერთად იმყოფებოდა და საქმის მთავარ მოწმედ ითვლება.

საინტერესოა, რომ საქმეში ჯერ კიდევ არ გამოკითხულა ყოფილი გენერალური პროკურორი ოთარ ფარცხალაძე, რომლის სახელიც არაერთხელ დასახელდა მკვლელობის ორგანიზებასთან კავშირში.

მოკლული ლევან ჯანგველაძე, 14 მარტს ჭავჭავაძის გამზირზე ჩაცხრილეს. პოლიციამ 17 მარტს გელა უძილაური, ხოლო მოგვიანებით, 12 აგვისტოს, კიდევ სამი პირი დააკავა - გიორგი მიქაძე, გიორგი კაჭკაჭიშვილი და მამუკა ბაღდავაძე. დაუსწრებლად ბრალი დავით მიქაძესა და გიორგი ჯოხაძესაც წაუყენეს. ცნობილია, რომ ძმები მიქაძეები ოთარ ფარცხალაძის გარემოცვის წევრები არიან.

პროკურატურის ინფორმაციით, მიქაძეებსა და ჯოხაძეს შეკვეთით მკვლელობის ორგანიზება ედებათ ბრალად. გიორგი კაჭკაჭიშვილს ბრალი იარაღის უკანონო შეძენა-შენახვისთვის წარუდგინეს, ხოლო მამუკა ბაღდავაძეს - დანაშაულის დაფარვისა და მართლმსაჯულებისთვის ხელის შეშლისთვის.

უწყება აცხადებს, რომ გიორგი ჯოხაძესა და დავით მიქაძეზე ძებნა გამოცხადდება. მოსამართლემ დაკავებულებს წინასწარი პატიმრობა შეუფარდა.

ავტორი: ექსპრესნიუსი,

სოციალური ქსელები

პუტინის უახლოეს თანამოაზრეებს შორის მისი ასაკის პირველი ადამიანი გარდაიცვალა - ივანოვი და საქართველო

საქართველოსთვის: კობახიძემ გაიფორმა თავი მოძალადე პრემიერად, ვერ გაექცევა პასუხისმგებლობას

პარლამენტის 2026 წლის საგაზაფხულო სესია ხელჩართული ჩხუბით დაიხურა

ექსპრეს ლომბარდი საკომუნიკაციო კამპანიას „ჰკითხე ექსპერტს“ აგრძელებს