ოთხშაბათს, 5 თებერვალს ღამით, უკრაინული დრონები თავს დაესხნენ ნავთობგადამამუშავებელ ქარხანას კრასნოდარის მხარის სოფელ ნოვომინსკაიაში. -  ამის შესახებ რეგიონის გუბერნატორმა ვენიამინ კონდრატიევმა ტელეგრამის არხზე განაცხადა.

"უპილოტო საფრენი აპარატის ნამსხვრევები დაეცა ავზს ნავთობპროდუქტების მცირე ნარჩენებით. გაჩნდა ხანძარი", - წერს ოფიციალური პირი და აღნიშნავს, რომ "ცეცხლი ლოკალიზებულია".

ერთადერთი ნავთობგადამამუშავებელი ქარხანა, შპს ალბაშნეფტი, მდებარეობს სოფელ ნოვომინსკაიაში. ის 2010 წელს გაიხსნა და ქარხნის სიმძლავრე წელიწადში 320 000 ტონამდე ნავთობპროდუქტს შეადგენს. ქარხანას აქვს რვა ავზი 9-დან 10,3 ათას კუბურ მეტრამდე მოცულობით. მ

საწარმო მდებარეობს დონის როსტოვის სამხრეთით 115 კილომეტრში და აზოვის ზღვის სანაპიროდან 40 კილომეტრში. მანძილი იქიდან უკრაინის შეიარაღებული ძალების მიერ კონტროლირებად ტერიტორიაზე 230 კმ-ზე მეტია.

ტელეგრამის არხმა Astra-მ ქარხანაში ხანძრის ამსახველი კადრები გამოაქვეყნა. ვიდეოს მიხედვით თუ ვიმსჯელებთ, საწვავის ერთი ავზი მაინც მთლიანად ცეცხლშია შთანთქმული. ადგილობრივების თქმით, მოსკოვის დროით 06:15 საათისთვის ხანძარი ლიკვიდირებული არ არის.

ავტორი: ექსპრესნიუსი,

სოციალური ქსელები

გორდულაძე - მოქმედი კანონმდებლობა ადამიანების მოთოკვას ვერ უზრუნველყოფს - ვამკაცრებთ კანონს, რათა ვემსახუროთ სამშობლოს!

ირანის საგარეო საქმეთა მინისტრი - დონალდ ტრამპის „მაქსიმალური ზეწოლის“ პოლიტიკა მარცხით დასრულდება

დღის განმავლობაში გადაწყდება მკურნალობის ტაქტიკა და ხანგრძლივობა - ჩხაიძე

გია ბარამიძე - ვიდრე მოღალატეობრივი რეჟიმი არ დამარცხდება, ქვეყნის დემოკრატია და მისი მომავალი საფრთხეშია