აშშ-ის თავდაცვის სამინისტრომ უკრაინისთვის $500 მილიონის ღირებულების ახალი სამხედრო დახმარების პაკეტი გამოაცხადა. პაკეტი გადაეცემა საპრეზიდენტო შემცირების უფლებამოსილების (PDA) მეშვეობით, რაც ნიშნავს, რომ შეიარაღება აშშ-ის მარაგებიდან სწრაფად იქნება მიწოდებული.

ახალი პაკეტი მოიცავს:

    •    AIM-7, RIM-7 და AIM-9M ტიპის საჰაერო თავდაცვის რაკეტებს,

    •    “ჰაერი-მიწის” საბრძოლო მასალას,

    •    F-16-ებისთვის დამხმარე აღჭურვილობას,

    •    ჯავშნიან ხიდების გამდებ სისტემებს,

    •    უსაფრთხო კავშირგაბმულობის საშუალებებს,

    •    ცეცხლსასროლ იარაღსა და საბრძოლო მასალას,

    •    სათადარიგო ნაწილებსა და ტრანსპორტირებას.

Bloomberg-ის ცნობით, ამ პაკეტით აშშ-ის მიერ უკრაინისთვის 2022 წლის თებერვლიდან გაწეული დახმარების საერთო ღირებულება $65 მილიარდს მიაღწევს.

ბაიდენის ადმინისტრაცია უკრაინისთვის სამხედრო დახმარების დაჩქარებულ ტემპში მიწოდებას ვადის ამოწურვამდე გეგმავს. თეთრი სახლის სპიკერმა, ჯონ კირბიმ, განაცხადა, რომ აშშ გაგრძელებს უკრაინის მხარდაჭერას ბაიდენის ადმინისტრაციის ბოლო დღემდე.

მანამდე, დეკემბერში, აშშ-მა უკრაინას დამატებით $2.5 მილიარდი და $1.225 მილიარდის დახმარების პაკეტები გადასცა.

ავტორი: ექსპრესნიუსი,

სოციალური ქსელები

სელფი მობაილი "ბიზნეს ტრანსფორმაცია 2.0"-ის მხარდამჭერია

პროკურატურამ ოთარ ფარცხალაძეს და ძმებ მიქაძეებს ახალი ბრალი წარუდგინა, ამ საქმის ფარგლებში დააკავეს კილაძეც

ატლანტიკური საბჭო: უკრაინასთან სამშვიდობო შეთანხმების ჩაშლამ შესაძლოა პოსტსაბჭოთა სივრცეში ახალი კონფლიქტები გამოიწვიოს

ჟურნალისტი ელისო კილაძე ებრაელი ბიზნესმენის ბენ ანორს ჩივილის საფუძველზე დააკავეს - ადვოკატი