ბოლო მონაცემებით, სამხრეთ-დასავლეთ ჩინეთში მომხდარი მიწისძვრის შედეგად სულ მცირე 95 ადამიანი დაიღუპა და 130 დაშავდა. 6,8 მაგნიტუდის სიმძლავრის ბიძგები ტიბეტის ავტონომიურ რეგიონში სამშაბათს, 7 იანვარს დილით დაფიქსირდა. ისინი ასევე იგრძნობოდა ნეპალის უმეტეს ნაწილში, განსაკუთრებით ქვეყნის აღმოსავლეთ და ცენტრალურ რეგიონებში, ასევე ინდოეთის ნაწილებში.

ცოტა მოგვიანებით, ტიბეტში 4,4 მაგნიტუდის სიმძლავრის მრავალი ბიძგები დაფიქსირდა, იუწყება სახელმწიფო სააგენტო Xinhua. ჩინეთის სახელმწიფო ტელევიზიამ CCTV აჩვენა დანგრეული სახლების კადრები. მიწისძვრის ეპიცენტრში მრავალი შენობა დაინგრა, იტყობინება CCTV.

საგანგებო სიტუაციების სამინისტროს ცნობით, სტიქიის ადგილზე დაახლოებით 1,5 ათასი მაშველი იმყოფება, რომლებიც შენობების ნანგრევების ქვეშ დაღუპულებსა და გადარჩენილებს ეძებენ.

ჩინეთის სეისმოლოგიური ქსელის ცენტრის (CENC) ინფორმაციით, მიწისძვრის ეპიცენტრი იყო ტინგრის ოლქში, ქალაქ შიგაცეში, ნეპალის საზღვართან. აშშ-ის გეოლოგიური სამსახურის ცნობით, 7,1 მაგნიტუდის მიწისძვრა მოხდა.

ავტორი: ექსპრესნიუსი,

სოციალური ქსელები

აზერბაიჯანში ჰიჯაბის აკრძალვის წინააღმდეგ საპროტესტო აქციები სპონტანურია

ირანი ჰორმუზის სრუტეში გადაადგილების შეზღუდვას გააგრძელებს, თუ ქვეყნის უფლებები დაცული არ იქნება

Eurasianet: აზერბაიჯანი და თურქეთი სკოლებში ჰიჯაბის აკრძალვის გამო ერთმანეთს დაუპირისპირდნენ

საია - პარტიების აკრძალვის მიზანი არა კონსტიტუციური წესრიგის დაცვა, არამედ პოლიტიკური კონკურენციის მოსპობა და ძალაუფლების შენარჩუნებაა