2024-12-19 20:20:12, 429 ნახვა

---

ხაბეიშვილი - დიდი ბრიტანეთის მხრიდან რუსული რეჟიმის წევრების დასანქცირება იყო უპრეცედენტო და მინდა მადლობა გადავუხადო

დიდი ბრიტანეთის მხრიდან რუსული რეჟიმის წევრების - გომელაურის, მისი მოადგილეებსი, ხარებას, მილერის დასანქციება იყო ურპეცედენტო რამ და მინდა მადლობა გადავუხადო ქართველი ხალხის სახელით,- ამის შესახებ "ერთიანობა ნაციონალური მოძრაობის" პოლიტსაბჭოს თავმჯდომარემ, ლევან ხაბეიშვილმა განაცხადა.

ხაბეიშვილის თქმით, ის დარწმუნებულია, რომ ქართველი ხალხის მხარდაჭერა აშშ-დან, დიდი ბრიტანეთიდან და ევროკავშირის მხრიდანაც გაგრძელდება.

"რუსი ოლიგარქის რუსული რეჟიმის თავზე შავმა ღრუბელმა მოიყარა თავი და ჩვენ ვნახეთ დიდი ბრიტანეთის განცხადება, სადაც ვკითხულობთ, რომ ე.წ. მინისტრი გომელაური, მისი მოადგილეებით, ხარაზიშვილით, მილერით არიან დასანქცირებულები და არიან ფინანსური მიმართულებით სანქცირებულები. კარგად უნდა ესმოდეს საზოგადოებას, რომ დიდი ბრიტანეთის ფინანსური სანქცია ნიშნავს, რომ მაგალითად გომელაურს ძალიან მალე ქართული ბანკებიც კი ვერ მოემსახურებიან და თუ სადმე რაიმე ქონება აქვს გადამალული, ამ ქონებაზეც ხელი აღარ მიუწვდებათ უახლოეს პერიოდში.

ასევე, ამ განცხადებაში ნათქვამი იყო, რომ აშშ-თან კოორდინაციაში მოხდა ამ სანქციების გამოცემა, რაც ადასტურებს კიდევ ერთხელ იმას, რომ ეს სანქციები გაგრძელდება და მათ შორის მინდა გავაფრთხილო ამ დროისთვის თანამდებობაზე მყოფი ადამიანები - კუპატაძე, სირაძე, მემანიშვილი, სხვადასხვა ძალოვანი უწყების და ე.წ. მაღალი თანამდებობის პირები, რომ ძალიან ღრმად გაქვთ ბიჭებო შეტოპილი და ძალიან მძიმე დღეები გელოდებათ და აუცილებლად მოხვდებით ამ სანქციების ქვეშ",- განაცხადა ხაბეიშვილმა.

შეგახსენებთ, გაერთიანებული სამეფო 5 პირს, მათ შორის ვახტანგ გომელაურს, ალექსანდრე დარახველიძესა და ზვიად ხარაზიშვილს სანქციებს უწესებს.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი