2024-12-18 11:41:03, 439 ნახვა

---

პრეზიდენტი - მმართველმა პარტიამ დაიკავა ნათლად განსაზღვრული რუსული გზა და თავს ისე აჩვენებს, თითქოს, მოძრაობა ევროპისკენ სურს

მმართველმა პარტიამ დაიკავა ნათლად განსაზღვრული რუსული გზა, დადგა რუსულ გზაზე და თავს ისე აჩვენებს, თითქოს, ევროპისკენ სურს მოძრაობა,- ამის შესახებ საქართველოს პრეზიდენტმა, სალომე ზურაბიშვილმა სტრასბურგში, ევროპარლამენტში განაცხადა.

როგორც ზურაბიშვილმა ევროპარლამენტარების წინაშე სიტყვით გამოსვლისას აღნიშნა, საქართველოში საპროტესტო აქციების მთავარ მოთხოვნას ხელახალი არჩევნების ჩატარება და ევროპული მომავლის დაბრუნება წარმოადგენს.

„არაასდროს არ ყოფილა საქართველოში მასიური პროტესტი სოციალურ საკითხებთან დაკავშირებით. ბევრი მიზეზია ამის. ერთადერთი შემთხვევა, როდესაც ადამიანები მასიურად გავიდნენ ქუჩაში, ეს იყო მაშინ, როდესაც გრძნობდნენ, რომ ეს იყო ეგზისტენციალური საკითხი. ეს გახლავთ ძალზედ მასიური სამოქალაქო დაუმორჩილებლობის მოძრაობა და ორ რამეს მოითხოვს - „დამიბრუნე ჩემი ხმა“ იმიტომ, რომ მოპარული არჩევნები ჩატარდა და „დამიბრუნე ჩემი ევროპული მომავალი“, რაც მთავარია. ასევე, მოთხოვნა დგას ხელახალი არჩევნების ჩატარებასთან დაკავშირებით. ეს არ გახლავთ რევოლუციური მოძრაობა თავისი არსით იმიტომ, რომ არ არსებობს მოთხოვნა ამის. მოთხოვნაა, დავუბრუნდეთ ხელახალ არჩევნებს მშვიდობიან გარემოში. ეს არის დღეს ადამიანების ნება, რომლებიც ქუჩაში გამოვიდნენ. ორი ნაწილი საქართველოსი არ არსებობს; რომ ჩვენ შეიძლება, მივდიოდეთ სამოქალაქო კონფრონტაციისკენ. არსებობს ერთი მხარე - ქართველი ხალხი და მეორე მხარე - რეპრესიული აპარატი ხელისუფლების მხრიდან. 

მმართველმა პარტიამ დაიკავა ნათლად განსაზღვრული რუსული გზა, დადგა რუსულ გზაზე და თავს ისე აჩვენებს, თითქოს, ევროპისკენ სურს მოძრაობა. რატომ? იმიტომ, რომ მათ მხარდამჭერებსაც სურთ ევროპული გზა. 80% საქართველოს მოსახლეობისა ამას მუდამ ვიმეორებთ და ყველა გამოკითხვა გვაჩვენებს ამ ციფრებს“,- განაცხადა საქართველოს პრეზიდენტმა [„TV პირველის“ სინქრონული თარგმანი].

შეგახსენებთ, საქართველოს პრეზიდენტი სალომე ზურაბიშვილი სტრასბურგში ევროპარლამენტის პრეზიდენტის, რობერტა მეცოლას მიწვევით გაემგზავრა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი