უკან დახევა დაუშვებელია - ვიბრძვით საქართველოს გამარჯვებამდე! - ამის შესახებ „ერთიანობა - ნაციონალური მოძრაობის“ ერთ-ერთი ლიდერი გიორგი ვაშაძე აცხადებს.

ვაშაძე მხარდაჭერს უცხადებს გიორგი გოგინაშვილს და ამბობს, რომ „სისტემაში ბევრი ადამიანია, ვინც მზად არის, მისი მსგავსი ნაბიჯი გადადგას“.

„სრულ მხარდაჭერას ვუცხადებთ პრინციპულ ადამიანს, გიორგი გოგინაშვილს, რომელმაც პროტესტის ნიშნად დატოვა სამსახური და მოძალადე სისტემაში დარჩენას თავის ხალხთან ერთად დგომა არჩია. 

დარწმუნებული ვართ, რომ სისტემაში ბევრი ადამიანია, ვინც მზად არის, მსგავსი ნაბიჯი გადადგას. გიორგის გამბედაობა სამაგალითოა, რომელმაც უარი თქვა საკუთარი მოქალაქეების მიმართ სადამსჯელო იარაღად ქცეული პოლიციის სისტემაში სამსახურზე. 

ივანიშვილის რეჟიმს უნდა ესმოდეს, რომ ამ ადამიანებს ვერ დააშინებენ და ვერ გატეხენ, რადგან ჩვენი მთავარი ძალა ერთიანობაში და სიმართლეშია. 

უკან დახევა დაუშვებელია - ვიბრძვით საქართველოს გამარჯვებამდე!“ - აცხადებს ვაშაძე.

შეგახსენებთ, შინაგან საქმეთა სამინისტროს თანამშრომელმა, გიორგი გოგინაშვილმა 3 დეკემბერს განაცხადა, რომ ქვეყანაში არსებული ვითარებიდან გამომდინარე თანამდებობას ტოვებს.

დღეს, გოგინაშვილმა სოციალურ ქსელში დაწერა, რომ გენერალურ ინსპექციაში დაიბარეს.

ავტორი: ექსპრესნიუსი,

სოციალური ქსელები

თეთრმა სახლმა განაცხადა, რომ აშშ-სა და ირანს შორის ტექნიკური მოლაპარაკებები მიმდინარეობს

უკრაინამ Rheinmetall-ისგან 155 მმ-იანი საარტილერიო ჭურვები შეუკვეთა

უკრაინამ და შვედეთმა 16 Gripen E გამანადგურებლის შესყიდვის შესახებ შეთანხმებას მოაწერეს ხელი

ღალიბაფი: თუ აშშ უარს იტყვის დიალოგის გზით ნაკისრი ვალდებულებების შესრულებაზე, ჩვენ ომისთვის მზად ვართ