აჭარის ჯანმრთელობისა და სოციალური დაცვის მინისტრმა, ნინო ნიჟარაძემ, სამინისტროს 2023 წლის ბიუჯეტის შესრულების წლიური ანგარიში, უმაღლესი საბჭოს ჯანმრთელობის დაცვისა და სოციალურ საკითხთა კომიტეტის სხდომაზე წარადგინა. ამის შესახებ ინფორმაციას აჭარის ჯანდაცვის სამინისტრო ავრცელებს.

უწყების ცნობით, გასულ წელს ჯანმრთელობის და სოციალური დაცვის სამინისტროს ბიუჯეტი 48 249 500 ლარს შეადგენდა.

„უწყების მთავარი ფინანსური დოკუმენტი 99,3 %-ით შესრულდა. სამინისტროს საქვეუწყებო დაწესებულებებთან ერთად 36 პროგრამას ახორციელებდა, რომლის ფარგლებში სხვადასხვა სერვისი 90 000-მდე მოქალაქეს მიეწოდა. 

ჯანმრთელობის დაცვის პროგრამების განხორციელებისათვის გამოიყო 26 492 433 ლარი, სოციალური დაცვის პროგრამების დასაფინანსებლად 13 322 054 ლარი, საზოგადოებრივი ჯანდაცვის მიმართულებით 2 337 601 ლარი, ხოლო დასაქმების სააგენტოს პროგრამებისთვის 533 779 ლარი.

2023 წელს, სამინისტრომ დაიწყო -  გეგმიური და ქირურგიული ოპერაციების თანაგადახდის სრულად დაფარვა. ასევე ორგანოთა ტრანსპლანტაციის შემდგომი აუცილებელი კვლევების და თირკმლის ტრანსპლანტაციის შემთხვევაში დონორისა და რეციპიენტის თავსებადობის განსაზღვრის საჭირო კვლევების დაფინანსება.

გასულ წელს, აჭარის მთავრობის სარეზერვო ფონდიდან მოქალაქეთა სხვადასხვა საჭიროებებისთვის 6 617 479 ლარი გამოიყო.

მინისტრმა სხდომაზე სამინისტროს მიმდინარე წლის I კვარტლის შესრულების ანგარიშიც წარადგინა. 2024 წელს სამინისტროს ბიუჯეტი 51 255 000 ლარს შეადგენს, გასული სამი თვის განმავლობაში 87,6 %-ის შესრულდა“, - აღნიშნულია უწყების ინფორმაციაში.

ავტორი: NS (სტატია დაფინანსებულია),

სოციალური ქსელები

ჩვენი ვალია, დავიცვათ ქვეყნის ევროპული მომავალი - სეუ-ს სტუდენტებისა და ლექტორების ნაწილის განცხადება

მეუფე გრიგოლი აქციებზე ძალადობაზე- როცა უმისამართოდ ადამიანს წიხლს ჩააზილავენ, ის შეიძლება მოკვდეს

რიში - საქართველოს მთავრობის გადაწყვეტილება EU-სთან მოლაპარაკებების გაუქმების შესახებ ქართველების 80%-ის სურვილს ეწინააღმდეგება

2 დეკემბერს, 11:00 საათზე მთავრობის სხდომა გაიმართება