უკრაინის შეიარაღებული ძალების მთავარსარდალიმა ოლექსანდრ სირსკიმ განაცხადა, რომ საკადრო ცვლილებებს გეგმავს. მისივე თქმით, ცვლილებები შეეხება ზოგიერთი ბრიგადის მეთაურს, რომელთა ქმედებები საფრთხეს უქმნის ქვეშევრდომების სიცოცხლესა და ჯანმრთელობას. ამის შესახებ სირსკიმ ტელეგრამ-არხზე დაწერა.
"სამი დღის განმავლობაში ცხადი გახდა, რატომ ხდება, რომ პირადი შემადგენლობის დაკომპლექტებისა და ტექნიკური აღჭურვის ერთი და იმავე მაჩვენებლების პირობებში, ზოგიერთი ბრიგადა ახერხებს მტრის თავდასხმების შეკავებას და პოზიციების დაცვას, სხვები კი ვერ.
უპირველეს ყოვლისა, ეს დამოკიდებულია ბრიგადის მეთაურზე, მის მომზადების დონეზე, გამოცდილებაზე, ადეკვატური და ინფორმირებული გადაწყვეტილებების მიღების უნარზე და დაკისრებული ამოცანების შესრულებაზე, ქვეშევრდომების სიცოცხლესა და ჯანმრთელობაზე აღებული პასუხისმგებლობის სრულად გაცნობიერებაზე.
ზოგიერთ შემთხვევაში, როდესაც მეთაური ვერ აკონტროლებს სიტუაციას და ქმედებები და ბრძანებები პირდაპირ საფრთხეს უქმნის ქვეშევრდომების სიცოცხლესა და ჯანმრთელობას, იძულებული ვარ მივიღო საკადრო გადაწყვეტილებები" - დაწერა უკრაინის ჯარების მთავარსარდალმა ტელეგრამზე . 

უკრაინის პრეზიდენტის ვოლოდიმერ ზელენსკის თქმით, ოლექსანდრ სირსკის გადაწყვეტილებების მიღებაში სრული კარტბლანში აქვს.

დღეს უკრაინის ჯარების მთავარსარდალმა განაცხადა, რომ "მოუწევს" მიიღოს საკადრო გადაწყვეტილებები აღმოსავლეთის ფრონტზე.

ავტორი: ექსპრესნიუსი,

სოციალური ქსელები

საპატრიარქო - ვხედავთ შემთხვევებს, როცა ეკლესიის არაკეთილმოსურნენი ყველა ღონეს ხმარობენ, რათა საზოგადოებაში დააკნინონ სინოდის სხდომის მიმართ სამართლიანობის განცდა

აშშ-ის კონგრესში წარადგინეს რეზოლუცია ჟურნალისტების უფლებების დაცვის შესახებ, სადაც მზია ამაღლობელიც არის ნახსენები

უკრაინის დაზვერვამ კადიროვის სპეცრაზმის ახმატის ათობით მებრძოლი მოკლა

უკრაინამ ჩელიაბინსკის მახლობლად მდებარე აეროდრომზე სუ-57 და სუ-34 ტიპის გამანადგურებლების დაბომბვის შესახებ განაცხადა