ინდონეზიაში ვულკანის ამოფრქვევას 11 მთამსვლელი ემსხვერპლა

2023-12-04 12:39:10, 849 ნახვა

მსოფლიო

ინდონეზიაში ვულკან მარაპის ამოფრქვევის შედეგად 11 მთამსვლელი დაიღუპა. ამის შესახებ ინფორმაციას Reuters-ი ავრცელებს.

მედია სამაშველო სამსახურის წარმომადგენელზე დაყრდნობით იუწყება, რომ გარდაცვლილთა ცხედრები დასავლეთ სუმატრაში იპოვეს.

სამაშველო სამსახურის ცნობით, ამ დროისთვის ვულკანის ამოფრქვევას გადარჩენილი 3 ადამიანია ნაპოვნი, დაკარგულად მიიჩნევა 12, რომელთა სამძებრო სამუშაოები უსაფრთხოების გამო, დროებით შეჩერებულია.

ხელისუფლება აცხადებს, რომ კვირას, ვულკანის ამოფრქვევის დროს დასავლეთ სუმატრაში 75 ადამიანი იმყოფებოდა, რომელთაგან 26 ევაკუირებული არ იყო.

ცნობისთვის, კუნძულ სუმატრაზე მდებარე ვულკან მარაპის ყველაზე მასშტაბური ამოფრქვევა 1979 წელს მოხდა, რასაც 60 ადამიანი ემსხვერპლა.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,