იუსტიციის მინისტრი რატი ბრეგაძე სტრასბურგის ადამიანის უფლებათა ევროპული სასამართლოს მიერ გიორგი მაქარაშვილის, ირაკლი კაჭარავასა და ზურაბ ბერძენიშვილის სარჩელზე გამოტანილ გადაწყვეტილებას ეხმაურება. იუსტიციის მინისტრის განცხადებით, გადაწყვეტილება კიდევ ერთხელ ადასტურებს საქართველოში ადამიანის უფლებების დაცვის მაღალ ხარისხს.

„მოხარული ვართ ამ გადაწყვეტილების... ბუნებრივია, საქართველო უცვლელად აგრძელებს იმ კურსს, რასაც ჰქვია ადამიანის უფლებების დაცვა, და ეს გადაწყვეტილება ნათლად უსვამს ხაზს იმ გარემოებას, რომ საქართველოში ადამიანის უფლებების დაცვა ხორციელდება ძალიან მაღალ, ევროპული სტანდარტის შესაბამისად“, – აცხადებს რატი ბრეგაძე.

მინისტრის თქმით, ხელისუფლება კვლავაც დაიცავს ბალანსს ადამიანის უფლებების დაცვისა და სახელმწიფო უსაფრთხოების საკითხებს შორის.

„დარწმუნებული ვართ, რომ როგორც პოლიციის, ისე ხელისუფლების ნებისმიერი სხვა წარმომადგენლის მოქმედება შემდგომშიც იქნება ძალიან კორექტული და ყოველთვის გათვალისწინებული იქნება ადამიანის უფლებები და დაცული გონივრული ბალანსი ადამიანის უფლებას, ღირსებას და სახელმწიფო უსაფრთხოების საკითხებს შორის“.

ავტორი: NS (სტატია დაფინანსებულია),

სოციალური ქსელები

აქტივისტმა თამარ ლორთქიფანიძემ საპატიმრო დატოვა

ქართული სამოქალაქო ორგანიზაციები პარტიების აკრძალვის შესახებ საგანგებო მიმართვას ავრცელებენ

Euromoney Markets Awards - თიბისი საქართველოში ობლიგაციების ბაზრის საუკეთესო ბანკია

ევროპარლამენტის ვიცე-პრეზიდენტმა ოლეშკიში ჰუმანიტარული კატასტროფის გამო შიმშილობა გამოაცხადა