გინდათ ეპატაჟური კითხვებით გახვიდეთ ფონს და ის რეალური ფუნქცია, რაც აქვს მედიას, რომ მოქალაქეების ინფორმირება სრულფასოვნად მოახდინოს, არ გინდათ რომ შეასრულოთ, - ასე მიმართა „ქართული ოცნების“ დეპუტატმა, არჩილ თალაკვაძემ ჟურნალისტებს სასამართლო სისტემაზე საუბრისას.

თალაკვაძის თქმით, საქართველო ევროპულ სასამართლოებს შორის ღირსეულ ადგილს იკავებს. 

"საქართველოს აქვს ღირსეული ადგილი ამ რეიტინგებში ევროპულ სასამართლოებს შორის. შესაბამისად, სიტუაციის დრამატიზება და ამ სფეროში ხელოვნური დაძაბულობის შექმნა, რომ თითქოს ჩვენ სასამართლო არ გვაქვს და თითქოს სასამართლო ვერ ასრულებს თავის ფუნქციას, ვფიქრობ, რომ უსაფუძვლოა. თქვენ გინდათ ეპატაჟური კითხვებით გახვიდეთ ფონს და ის რეალური ფუნქცია, რაც აქვს მედიას, რომ მოქალაქეების ინფორმირება სრულფასოვნად მოახდინოს, არ გინდათ რომ შეასრულოთ. თქვენი არჩევანია, ჩვენ მოქალაქეებს მაინც ავუხსნით, თუ რა ცვლილებები მოხდა სასამართლო სისტემაში", - ამბობს  არჩილ თალაკვაძემ.

ცნობისთვის, მმართველი პარტიის წარმომადგენელი ჟურნალისტებთან საუბრისას გამოეხმაურა „მთავარი არხის“ ეთერში გასულ განცხადებას, რომელშიც უზენაესი სასამართლოს ყოფილი მოსამართლე, ბესარიონ ალავიძე ზეწოლაზე საუბრობს და ამბობს, რომ ძალადობის მსხვერპლია.

ავტორი: ექსპრესნიუსი,

სოციალური ქსელები

ქვეყნის მასშტაბით სამართალდამცველებმა ნარკოდანაშაულის ბრალდებით 142 პირი დააკავეს, მათ შორის ნარკორეალიზაციაში სხვადასხვა ფორმით ჩართული 62 პირია

აქტივისტმა თამარ ლორთქიფანიძემ საპატიმრო დატოვა

ქართული სამოქალაქო ორგანიზაციები პარტიების აკრძალვის შესახებ საგანგებო მიმართვას ავრცელებენ

Euromoney Markets Awards - თიბისი საქართველოში ობლიგაციების ბაზრის საუკეთესო ბანკია