ბრიტანეთის დაზვერვის შეფასებით, მარიუპოლში სავარაუდოდ აზოვსტალის 1700-მდე დამცველი რუსულ ჯარებს ჩაბარდა. ამის შესახებ ინფორმაციას ბრიტანეთის თავდაცვის სამინისტროს Twitter-ით ავრცელებს.

სამინისტროს ცნობით, ჯარისკაცების ჩაბარების შემდეგ უცნობია, კიდევ რადმენი მებრძოლი რჩება ქარხნის ტერიტორიაზე.

„სავარაუდოდ, მარიუპოლის მეტალურგიული ქარხნის აზოვსტალის 1700-მდე უკრაინელი ჯარისკაცი ჩაბარდა. ქარხანაში რჩება უკრაინული ძალების უცნობი რაოდენობა", - აღნიშნულია სამინისტროს განცხადებაში.

გარდა ამისა, სამინისტროში ასევე აცხადებენ, რომ დაჭრილი ჯარისკაცების გადარჩენის ოპერაცია 16 მაისიდან მიმდინარეობს. შეთანხმებების ფარგლებში მარიუპოლის დამცველები სამედიცინო დახმარების გაწევით მიზნით ოკუპირებულ ტერიტორიებზე გადაჰყავთ. სამომავლოდ იგეგმება მათი გათავისუფლება პატიმრების გაცვლის ფარგლებში.

შეგახსენებთ, რომ მანამდე ომის შესწავლის ამერიკული ინსტიტუტის ანალიტიკოსებმა განაცხადეს, რომ რუსეთი დათანხმდა აზოვსტალის დამცველების ევაკუაციას, რათა რაც შეიძლება მალე გამოეცხადებინა სრული კონტროლი მარიუპოლზე.

უკრაინულმა მხარემ დაადასტურა აზოვსტალიდან 260 მებრძოლის გასვლა, რომლებსაც სამედიცინო დახმარება სჭირდებოდათ. თუმცა პროცესის შესახებ დეტალური ინფორმაცია არ არსებობს, კიევი ამას იმით ხსნის, რომ მტერთან მოლაპარაკების პროცესი გრძელდება და მონაცემების გამჟღავნება მარიუპოლის დამცველებს  შესაძლოა სიცოცხლის ფასად დაუჯდეთ.

ავტორი: ექსპრესნიუსი,

სოციალური ქსელები

„მე არ შემიძლია ნეიტრალური ვიყო“ - კრისტინ ლაგარდი ხსნის ევროპის ცენტრალური ბანკიდან ნაადრევ წასვლას

სამმა ამერიკულმა მედიასაშუალებამ ჟურნალისტებისთვის დაწესებული შეზღუდვების გამო ტრამპის ადმინისტრაციის წინააღმდეგ კვლავ შეიტანა სარჩელი

მსახიობი პატრიკ სტიუარტი გარდაიცვალა

თბილისში დაგეგმილ MMA-ის მსოფლიო ჩემპიონატში მონაწილეობას 64 რუსი სპორტსმენი მიიღებს