აზოვსტალის დამცველების გადასარჩენად ჩართულია ყველა შესაძლო საერთაშორისო ორგანიზაცია და, პრაქტიკულად, მსოფლიოს ყველა ლიდერი, მაგრამ რუსეთის პრეზიდენტი ვლადიმერ პუტინი თანხმობას არ იძლევა. - ამის შესახებ ტელემარტონის ეთერში უკრაინის თავდაცვის მინისტრის მოადგილემ ანა მალიარმა განაცხადა.

მან აღნიშნა, რომ ქვეყნის ხელისუფლება ბევრს აკეთებს აზოვსტალის დამცველების გასათავისუფლებლად, მაგრამ ეს სამხედრო ოპერაციაა და მისი დეტალების გამჟღავნება შეუძლებელია.

"ჩვენ შევძელით გულწრფელად ვუთხრათ ახლობლებს, რადგან მათ აქვთ ამის ცოდნის უფლება. და კითხვების უმეტესობაზე , იმედი მაქვს, რომ მათ პასუხები მიიღეს. პუტინი არ გვაძლევს თანხმობას, რომ შევძლოთ გავათავისუფლოთ აზოვსტალის დამცველები", - განმარტა მან.

მალიარის თქმით, ქარხანაში სამხედრო ოპერაციისა და ბლოკადის განხორციელება რომ შესაძლებელი ყოფილიყო, უკრაინის შეიარაღებული ძალები ამას აუცილებლად გააკეთებდნენ. პარალელურად განიხილება და მუშავდება სხვადასხვა გეგმები, მაგრამ ეს არის სამხედრო გეგმები.

"მათ ვერ გამოვაცხადებთ. ახლა მსოფლიოს თითქმის ყველა ლიდერი ჩართულია პუტინთან სასაუბროდ. ჩვენი სახელმწიფო ყველა მათთან არის კონტაქტში. ყველა შესაძლო საერთაშორისო ორგანიზაციაა ჩართული პუტინთან დასაკავშირებლად.
ჩვენ ვიმედოვნებთ, რომ ჩვენ შევძლებთ გადავარჩინოთ აზოვსტალის ჩვენი დამცველები, რომლებიც დღეს რეალურად ფარავს უკრაინის ბევრ რეგიონს, რადგან მარიუპოლის დაცვა საშუალებას გვაძლევს იქ მოვახდინოთ დიდი რაოდენობით რუსული ჯარის კონცენტრირება, რომლებიც ვერ გადაადგილდებიან უკრაინის სხვა რეგიონებში. "-აღნიშნა მან.

ავტორი: ექსპრესნიუსი,

სოციალური ქსელები

ტახტის მოსაყდრე შიო: მომდევნო კვირაში ჩვენ მოგვიწევს ახალი კათოლიკოს-პატრიარქის გამორჩევა

რეჟიმის წარმომადგენელმა თურნავამ, რეფინანსირების განაკვეთი გაეზარდა ინფლაციას დააბრალა

მეუფე იობი ეკლესიაში საგარეო ჩარევებზე: ზეწოლაც ხდება და ჩარევებიც ხდება

მონეტარული პოლიტიკის გამკაცრების შედეგად, 252 029 მსესხებელს სესხზე ყოველთვიური შენატანი გაეზრდება - „საზოგადოება და ბანკები“