2022-05-13 21:35:49, 464 ნახვა

---

აშშ-ის თავდაცვის მდივანი რუს კოლეგას პირველად ესაუბრა და მოუწოდა დაუყოვნებლივ შეწყდეს საბრძოლო მოქმედებები უკრაინაში

ლოიდ ოსტინი რუსეთის თავდაცვის მინისტრს, სერგეი შოიგუს ომის დაწყების შემდეგ პირველად ესაუბრა და ცეცხლის შეწყვეტისკენ მოუწოდა. - ამის შესახებ ინფორმაციას CNN ავრცელებს.

მათივე თქმით, კომუნიკაციის შენარჩუნება და არსებობა აუცილებელია.

"ოსტინმა მოუწოდა დაუყოვნებლივ შეწყვიტონ ცეცხლი უკრაინაში და კომუნიკაციის შენარჩუნების მნიშვნელობას გაუსვა ხაზი" - ნათქვამია განცხადებაში.

შეგახსენებთ, რომ ხანგრძლივი სამხედრო ძალის თავმოყრის შემდეგ, რუსეთის მიერ თვითგამოცხადებული დონეცკის სახალხო რესპუბლიკისა და ლუჰანსკის სახალხო რესპუბლიკის აღიარების შემდეგ, რუსეთმა დაარღვია საერთაშორისოდ აღიარებული უკრაინის სუვერენიტეტი და ომი გამოაცხადა. ომს დაწყებიდან დღევანდელ დღემდე არაერთი მოქალაქის სიცოცხლე შეეწირა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი