უკრაინის ვიცე-პრემიერი ირინა ვერეშჩუკი აცხადებს, რომ დღეს აზოვსტალთან ჰუმანიტარული დერეფნების შეთანხმება არ არსებობს. ამის შესახებ მან ტელეგრამის არხზე დაწერა. 

მან ხაზგასმით აღნიშნა, რომ მნიშვნელოვანია გვესმოდეს, რომ ჰუმანიტარული დერეფანი იხსნება ორი მხარის შეთანხმებით. ცალმხრივად გამოცხადებული დერეფანი არ უზრუნველყოფს უსაფრთხოებას და შესაბამისად, ფაქტობრივად, არ არის ჰუმანიტარული დერეფანი.

"დღეს რუსულმა მხარემ კიდევ ერთხელ განაცხადა, რომ არის დერეფანი აზოვსტალის გასასვლელად მშვიდობიანი მოსახლეობისთვის. ასე რომ, მე ოფიციალურად და საჯაროდ ვაცხადებ: სამწუხაროდ, დღეს აზოვსტალიდან ჰუმანიტარულ დერეფნებზე შეთანხმება არ არსებობს“, - განაცხადა ჩინოვნიკმა.

მისივე თქმით, უკრაინა ითხოვს, რომ ჰუმანიტარულ სვეტში იყვნენ გაეროს და წითელი ჯვრის საერთაშორისო კომიტეტის წარმომადგენლები.

ცნობისთვის, რუსეთის ფედერაციის თავდაცვის სამინისტრომ დღეს განაცხადა, რომ მზად არის ჰუმანიტარული დერეფნისთვის აზოვსტალიდან ის ადგილობრივი დროით 14:00 საათიდან იმუშავებს და გათვლილი იქნება "მშვიდობიანი მოქალაქეებისთვის". 

ავტორი: ექსპრესნიუსი,

სოციალური ქსელები

ჯ.დ. ვენსი: დიდი ხანია, რაც ბრიტანეთს საკუთარი ხელმძღვანელობა ღალატობს

თბილისის ანძა აშშ-ის დროშის ფერებში განათდა

კიევში, ამერიკის დამოუკიდებლობის 250-ე წლისთავის აღსანიშნავად, სამშობლოს მონუმენტი აშშ-ის დროშის ფერებში განათდა

აშშ-ში ექსტრემალურმა სიცხემ 25 ადამიანი იმსხვერპლა და 4 ივლისის აღნიშვნა ჩაშალა