რუსეთის პოლიციამ მას შემდეგ, რაც ძალაში შევიდა რუსეთის არმიისა და მისი ქმედებების საზღვარგარეთ „დისკრედიტაციის“ შესახებ კანონი, 144 ოქმი შეადგინა. ამის შესახებ ინფორმაციას Network Freedom-ის იურიდიული დახმარების პროექტი ავრცელებს.

ორგანიზაციის ცნობით, 7 მარტის დილით, ახალი მუხლით ბრალი უკრაინაში ომის საწინააღმდეგო აქციების 60 მონაწილეს წარუდგინეს, შვიდის დაჯარიმება უკვე მოასწრეს 30-დან 60 ათას რუბლამდე.

ამასთანავე, ორგანიზაცია წერს, რომ ჯარიმების ჯამური რაოდენობა 235 ათასი რუბლია. ბოლო 24 საათის განმავლობაში, სულ მცირე, ხუთი ოქმი შედგა სანკტ-პეტერბურგში, ვოლგოგრადში, მინიმუმ ექვსი კრასნოიარსკში და მინიმუმ 53 კალინინგრადში.

შეგახსენებთ, რომ რუსეთის სახელმწიფო დუმამ მესამე, საბოლოო მოსმენით მიიღო კანონი, რომლის მიხედვითაც შეიარაღებული ძალების შესახებ დეზინფორმაციის გავრცელება სისხლის სამართლის დანაშაულ გახდა, რაც 15 წლამდე პატიმრობას ითვალისწინებს. გარდა 15 წლამდე თავისუფლების აღკვეთისა, აღნიშნული კანონპროექტი ითვალისწინებს 5 წლამდე თავისუფლების აღკვეთას ისეთი მოწოდებებისთვის, რომლბიც „ეწინააღმდეგება რუსული ჯაარების გამოყენებას რუსეთთან ინტერესების დასაცავად“.

ამასთანავე,  აღნიშნული კანონპროექტი გავრცელდება იმ პირებზე, რომლებიც საპროტესტო აქციაზე აღნიშნულ მოთხოვნებს გააჟღერებენ.

ავტორი: ექსპრესნიუსი,

სოციალური ქსელები

სამადაშვილი - დუმილითა და უმოქმედობით ოცნება ანექსიის პროცესს ხელს უწყობს

ჰომოფობიის წინააღმდეგ ბრძოლის დღეს, საპატრიარქო ოჯახის დღედ აცხადებს, შიო III სამებაში წირვას აღავლენს

ფილფანი - „ოცნებამ“ საზოგადოება სოციალური ნიშნით გაყო

პროკურატურამ ,,კანონიერი ქურდობის“, „ქურდული სამყაროს“ წევრობის, „ქურდული სამყაროს“ საქმიანობის მხარდაჭერის ფაქტებზე 50 პირს ბრალდება წარუდგინა