2021-07-30 18:04:12, 486 ნახვა
ეკონომიკა
პროგრამის „აწარმოე საქართველოში" ახალი მექანიზმების შესახებ საჯარო-კერძო დიალოგის ფორმატში ონლაინ შეხვედრა გაიმართა
USAID-ის ეკონომიკური უსაფრთხოების პროგრამის მხარდაჭერით, 30 ივლისს საქართველოს ეკონომიკისა და მდგრადი განვითარების სამინისტროსა და სააგენტოს „აწარმოე საქართველოში" ორგანიზებით, საჯარო-კერძო დიალოგის ფორმატში ონლაინ შეხვედრა გაიმართა, სადაც სახელმწიფო პროგრამის „აწარმოე საქართველოში" ფარგლებში ბიზნესის მხარდასაჭერად ახალი სახელმწიფო პროგრამების შესახებ იმსჯელეს. შეხვედრაში მონაწილეობდნენ საქართველოს ეკონომიკისა და მდგრადი განვითარების მინისტრის მოადგილე ირაკლი ნადარეიშვილი, საქართველოს პარლამენტის დარგობრივი ეკონომიკისა და ეკონომიკური პოლიტიკის კომიტეტის თავმჯდომარე დავით სონღულაშვილი, USAID/საქართველოს ეკონომიკური განვითარების ოფისის დირექტორი მარიკა ოლსონი, ასევე ეკონომიკის სამინისტროს, სააგენტოს „აწარმოე საქართველოში," ბიზნესომბუდსმენი, ტურიზმის ადმინისტრაციის, USAID-ის, დარგობრივი ასოციაციებისა და კლასტერების 60-მდე წარმომადგენელი. ბიზნესის მხარდასაჭერად შექმნილი ახალი სახელმწიფო პროგრამების პრეზენტაცია შეხვედრაზე სააგენტოს „აწარმოე საქართველოში" დირექტორმა მიხეილ ხიდურელმა წარადგინა. მცირე და საშუალო მეწარმეების ხელშეწყობის ახალი მექანიზმები სამ ძირითად მიმართულებას ითვალისწინებს, ესენია: „ბიზნეს უნივერსალი," რომელიც გულისხმობს ერთდროულად წვდომის შესაძლებლობას სესხის თანაგარანტირებისა და სესხის თანადაფინანსების მიმართულებებზე, ასევე „ბიზნესექსპორტი & იმპორტის ჩანაცვლება," რომლის საშუალებით ექსპორტზე ან იმპორტის ჩანაცვლებაზე ორიენტირებული მეწარმეები ისარგებლებენ როგორც ხელმისაწვდომი და დაბალპროცენტიანი საბანკო რესურსით, ასევე სპეციალური გრანტით და „ეკო და აგრო ტურისტული ობიექტების პროგრამა," რაც უზრუნველყოფს ეკო და აგრო ტურისტული ობიექტების განვითარებას ფინანსებზე ხელმისაწვდომობის, ასევე, მარკეტინგული მხარდაჭერის გზით. ავტორი: NS (სტატია დაფინანსებულია), კალაძე გახარიაზე - მისი განცხადებები რეალობას ძალიან აცდენილია
ვახტანგ გორგასლის ქუჩაზე არსებული შუა ზოლის რეაბილიტაცია მიმდინარეობს
კალაძე - ის, რომ კონკრეტული ადამიანები იბრძვიან, როგორმე საარჩევნო ბარიერი გადალახონ, საზოგადოების პასუხია მათ რადიკალიზმზე
საფრანგეთმა შესაძლოა გააუქმოს პარიზის ოლიმპიადის გახსნის ცერემონია ტერაქტების საფრთხის გამო
|
ომი უკრაინაშიზელენსკი - რუსეთის რესურსებს ვერ ვუტოლდებით, მაგრამ უკრაინელებს შეუძლიათ რუსეთის დამარცხება გამბედაობით, მონდომებით და იდეებით
უკრაინის გენშტაბი - საომარი მოქმედებების დაწყებიდან დღემდე, უკრაინაში 440 790-მდე რუსი ჯარისკაცი მოკლეს
ხერსონში რუსმა სამხედროებმა ტაქსის მძღოლს ცეცხლი გაუხსნეს - დაიღუპა ერთი და დაშავდა ორი ადამიანი
ვიდეო/LIVE საქართველოს დამოუკიდებლობის დღე - პირდაპირი
|