„პრემიერის მხარდაჭერით, დავაინიცირებთ კანონპროექტს, რომელშიც სახელმწიფო აიღებს ვალდებულებას, ყველა სამხედრო წოდების მაიორს და უფრო მაღალი წოდების მქონე პირს, გადასცეს ბინა და საკანონმდებლო დონეზე მივცეთ გარანტია ანაზღაურების გარანტირებულად ზრდასთან დაკავშირებით,“ - ამის შესახებ საქართველოს თავდაცვის მინისტრმა ჯუანშერ ბურჭულაძემ თავდაცვის უწყების სამოქმედო გეგმა 2020-2030-ის წარდგენისას განაცხადა.

როგორც უწყების ხელმძღვანელმა განმარტა, სამხედრო მოსამსახურეების დაფასების მიზნით გაიზარდა ხელფასები, გაძლიერდა სამხედროების კვებითი, ჯანდაცვის, განათლების, საბინაო, აღჭურვილობის და სხვა მიმართულებები. ჯუანშერ ბურჭულაძემ მახათას მთაზე მიმდინარე ბინების მშენებლობის პროცესზე ისაუბრა და აღნიშნა, რომ ჯარის ქალაქის - „Army City“-ის მშენებლობა 2022 წლის ბოლომდე დასრულდება, სადაც 1000-ზე მეტი სამხედრო მოსამსახურე იცხოვრებს.

„ჩვენ ვამაყობთ, რომ ჩვენი ჯარისკაცები აღჭურვილნი არიან ყველაზე თანამედროვე საშუალებებით. ვამაყობთ, რომ ჩვენს ჯარისკაცებს აცვიათ ისეთი ხარისხიანი ფორმა, რომელსაც ნატრულობს ბევრი ევროპული ქვეყანა. ვამაყობთ, რომ ჩვენი ჯარისკაცები და მათი ოჯახის წევრები, სარგებლობენ დაზღვევის საუკეთესო პირობებით. ჩვენს ჯარისკაცებს აქვთ საუკეთესო კვება და ცხოვრობენ უმაღლესი ხარისხის ინფრასტრუქტურაში.ჩვენი ჯარის მზადყოფნის, თავდაცვის შესაძლებლობების გაძლიერებისა და დაფასების პოლიტიკა მომავალში მოგვცემს მოტივირებულ და მაღალბრძოლისუნარიან ჯარს, რომელიც ეფექტურად გაუმკლავდება ჩვენი ქვეყნის წინაშე არსებულ გამოწვევებს“, - განაცხადა საქართველოს თავდაცვის მინისტრმა.

ავტორი: NS (სტატია დაფინანსებულია),

სოციალური ქსელები

გომის მთაზე მიკროავტობუსის ხრამში გადავარდნის შედეგად ბელარუსიის ოთხი მოქალაქე ადგილზე დაიღუპა, 20 ადამიანი მათ შორის ორი ბავშვი დაშავდა

გომის მთაზე მიკროავტობუსი გადავარდა - არსებული ცნობებით, არიან დაღუპულები

ნიკა გვარამია: ივანიშვილის რეჟიმმა აღიარა რუსული სამხედრო მანქანისადმი პირდაპირი დახმარება

საქართველოს ოპოზიცია იმ კომპანიის დასახელებას ითხოვს, რომელმაც აფხაზეთს საწვავი მიაწოდა