"ჩვენი ჯარის განვითარება უნდა დაეფუძნოს უახლეს მიდგომებს“, - აღნიშნა საქართველოს თავდაცვის მინისტრმა ჯუანშერ ბურჭულაძემ კრწანისში, საერთო საჯარისო ცენტრში თავდაცვის ძალების 2020-2030 წლების სამოქმედო გეგმის წარდგენისას. 

მისი განმარტებით, თანამედროვე მიდგომები გულისხმობს ცენტრალიზებულ დაგეგმვასა და დეცენტრალიზებულ აღსრულებას, ამოცანით მართვას, მცირე ქვედანაყოფების მოქმედების ტაქტიკას, ბრძოლის კონვენციური და არაკონვენციური მეთოდების სინქრონიზებას. თავდაცვის ძალების განვითარების გრძელვადიან გეგმას ასახავს დოკუმენტი - „თავდაცვის ძალების სამოქმედო გეგმა 2030“. 

ჯავშანსაწინააღმდეგო, საჰაერო, საარტილერიო, სადაზვერვო და საინჟინრო (კონტრ-მობილურობა) შესაძლებლობები - ეს საქართველოს თავდაცვის სამინისტროს ის ძირითადი პრიორიტეტული მიმართულებებია, რომელთა გაძლიერებაც შემდგომი 10 წლის განმავლობაში იგეგმება.

თავდაცვის მინისტრის განცხადებით, ძირითადი და ზოგადი პრიორიტეტების მხარდაჭერა შემუშავებული გეგმის მიხედვით განხორციელდება. დოკუმენტი განსაზღვრავს თავდაცვის ძალების სტრუქტურისა და შესაძლებლობების განვითარების ძირითად პრიორიტეტულ მიმართულებებსა და გრძელვადიან პერიოდში განვითარებისთვის საჭირო რესურსებს. გეგმაში დეტალურად არის გაწერილი ყველა ის საბრძოლო შესაძლებლობა და სტრუქტურა, რომლის შესყიდვა-შექმნა მნიშვნელოვნად გაზრდის თავდაცვის ძალების საბრძოლო შესაძლებლობებს.

"ძირითადი აქცენტი კეთდება მობილური, თანამედროვე ტექნიკითა და შეიარაღებით აღჭურვილი ქვედანაყოფების ჩამოყალიბებაზე, რომლებსაც ექნებათ უნარი არსებულ ოპერატიულ გარემოში აწარმოონ სრული სპექტრის ოპერაციები, ეფექტიანად მოახდინონ საფრთხეებზე რეაგირება და მაქსიმალური ზიანი მიაყენონ მოწინააღმდეგეს“, - განაცხადა ჯუანშერ ბურჭულაძემ.

ავტორი: NS (სტატია დაფინანსებულია),

სოციალური ქსელები

საფრანგეთის საგარეო „უცხოური გავლენის გამჭვირვალობის“ კანონპროექტზე - ეს ინიციატივა ევროკავშირის ღირებულებებს ეწინააღმდეგება

სამხარაძე - კანონისთვის რუსულის დარქმევა არის დისკრედიტაციული პოლიტიკური მეტაფორა, რომელიც მიმართულია გამოიწვიოს საზოგადოების აღშფოთება

სამხარაძე BBC-ს ჟურნალისტს - კანონპროექტში არ არის ნახსენები სიტყვა „აგენტი,“ შესაბამისად, რაც ქალბატონმა პრეზიდენტმა თქვენთან ინტერვიუში ახსენა, სრული სიცრუეა

კასპის მუნიციპალიტეტის სკოლამდელი აღზრდის დაწესებულებების აღმზრდელ-პედაგოგებისთვის 2 დღის განმავლობაში ტრენინგი მიმდინარეობდა