ჯანდაცვის მინისტრის, ეკატერინე ტიკარაძის განცხადებით,  ბოლო 24 საათში დადასტურებული კოვიდ შემთხვევებიდან, ჰოსპიტალიზაციას 30%-ზე მეტი დაექვემდებარა.

მისივე თქმით, საერთაშორისო სტანდარტით ჰოსპიტალიზაციის მაჩვენებელი 15-დან 20%-მდე შეადგენს.

„ბოლო 24 საათის განმავლობაში ბინიდან ჰოსპიტალიზებული იყო 194 ადამიანი, ცხელების ცენტრში გადაყვანილი იყო 278 ადამიანი, ცხელების ცენტრიდან კოვიდკლინიკაში დადასტურებული კოვიდით გადავიყვანეთ 34 ადამიანი, კლინიკიდან კარანტინში დავაბრუნეთ 77 ადამიანი, ვინაიდან მათ არ ესაჭიროებოდათ ჰოსპიტალიზაცია. ოჯახის ექიმის გადაწყვეტილებით გადავიყვანეთ 65 ადამიანი. საერთო ჯამში კი 30%-ზე მეტი ადამიანი დაექვემდებარა ჰოსპიტალიზაციას იმ ინფიცირებულებიდან, რომლებსაც გუშინ დაუდასტურდათ კოვიდ კარანტინი. საერთაშორისო სტანდარტით ჰოსპიტალიზაციის პროცენტი არის 15-დან 20%-მდე, რაც ნიშნავს იმას, რომ საქართველო ამ კომპონენტშიც თავისი მოქალაქეების მიმართ იჩენს მაქსიმალურ ყურადღებას და ყველა ჩვენს მოქალაქეს მიეწოდება ის საჭირო სამედიცინო დახმარება, რომელიც კოვიდის ფარგლებში მათთვის არის განსაზღვრული ყველა სახის პროტოკოლით“, - განაცხადა ეკატერინე ტიკარაძემ.  

ავტორი: ექსპრესნიუსი,

სოციალური ქსელები

Flyone-მა კიშინაუდან ბათუმის მიმართულებით პირდაპირი ფრენები დაიწყო

შსს - უკანონო ბრუნვიდან ამოღებული 37 მილიონ ლარზე მეტი ღირებულების 700 კილოგრამამდე სხვადასხვა სახის ნარკოტიკული საშუალება განადგურდა

ივანიშვილის წარმომადგენელ პაპუაშვილს ჰქონია, რომ ცენზურა ქვეყანაში ევროკავშირის იმიჯის გამოსასწორებლად დააწესა

საქართველოს ბანკის ორგანიზებით, ბათუმში ბიზნესებისთვის EBRD-ის მხარდამჭერ პროგრამებზე შეხვედრა გაიმართა