სოციალური აქციის ფარგლებში, დღეს  შუახევის მერი ფრიდონ ფუტკარაძე სოფელ ჟანივრში  მელიქაძეების  11 სულიან ოჯახს სტუმრობდა და  მათი სოციალური მდგომარეობით დაინტერესდა.  პირველადი მოხმარების პროდუქტები, სხვადსხვა საჭიროებების ნივთები,პატარებს კი საჩუქრები მიუტანა და მისი მოულოდნელი სტუმრობით ოჯახი გაახარა.

რევაზ და ფირუზ მელიქაძეები ერთ სახლში, მეუღლეებთან, შვილებთან და შშმ უხუცეს წევრთან ერთად ცხოვრობენ. ოჯახში 5 მცირეწლოვანი  ბავშვია. 7 წლის ნიკა პირველი კლასის მოსწავლეა,  უმცროსები კი  ხაბელაშვილების ბაგა-ბაღის აღსაზრდელები არიან. გასულ წელს უმცროს ძმამ, მერიის მიზნობრივი სოციალური პროგრამით ისარგებლა და ახალი ხის სახლი შეიძინა, მალე ოჯახი ახალ მოსახლეობას იზეიმებს.

,,ახალი კორონავირუსის აღმოჩენის პირველივე დღიდან ჩართულები ვართ პრევენციულ ღონისძიებებში. მაქსიმალურს, ვაკეთებთ რათა ყველა საჭიროების მქონე ოჯახში მივიდეს პირველადი მოხმარების  პროდუტები. ვეხმარებით შეჭირვებულ ოჯახებს ასევე  ცხელ ხაზზე შემოსული ზარების და ფეისბუქზე მოწოდებული ინფორმაციის საფუძველზე. დღეს მერიისა და ტურიზმის, ძეგლთა დაცვის და ახალგაზრდობის საქმეთა განყოფილების ჩართულობით კიდევ ერთი მრავალსულიანი ოჯახი გავახარეთ. მივუტანეთ პირველადი მოხმარების საჭიროებები, მათ შორის ბავშვები ვუზრუნველვყავით ინტერნეტით, რათა შეძლონ ონალინ სწავლებაში ჩართვა“, - განაცხადა ფრიდონ ფუტკარაძემ.

მელიქაძეების  ოჯახის წევრებმა ფრიდონ ფუტკარაძეს  ყურადღებისთვის და გულისხმიერებისთვის მადლობა გადაუხადეს.

ავტორი: NS (სტატია დაფინანსებულია),

სოციალური ქსელები

ინაშვილი - ჩუბინიძის დაკავება აღიქმება, რომ ყველას დავიჭერთ, ვისაც კობახიძე არ მოსწონს

ნიკა გვარამია - პარტიები კი არა, პოლიტიკა უქმდება და ყველა ცვლილების არხი იხშობა - ხვალ, თსუ-ის პირველ კორპუსთან, ვიწყებთ პროტესტის

გურამ დადიანიძის საქმეზე დღეს შსს-სთან აქცია გაიმართა

თბილისში, სკოლაში ძალადობის ორგანიზების ბრალდებით ორი არასრულწლოვანი დააკავეს