2020-04-23 19:04:57, 1702 ნახვა
რეგიონი
#დარჩისახლში -სოციალური აქცია შუახევში
შუახევში, სოციალური პასუხისმგებლობის ფარგლებში საქველმოქმედო აქციები გრძელდება. სურსათით, მედიკამენტებითა და სხვა აუცილებელი საჭიროებებით არაერთ ოჯახს გაეწია პირველადი დახმარება.
საქველმოქმედო აქციაში, დღეს შპს „აჭარისწყალი ჯორჯია“ ჩაერთო და მუნიციპალიტეტის მერიას 30 შეჭირვებულ ოჯახზე პირველადი საჭიროების სურსათი გადასცა.
სურსათი, დღესვე რამდენიმე სოციალურად დაუცველ და მრავალშვილიან ოჯახს გადაეცა. სოციალური აქციები მომდევნო დღეებშიც გაგრძელდება და ეტაპობრივად ყველა იმ ადამიანს დავეხმარებით, ვისაც ჩვენი თანადგომა სჭირდება.
საქველმოქმედო ღონისძიება ძირითადი რეკომენდაციების დაცვით განხორციელდა.
მადლობა მხარდაჭერისთვის ყველა მოქალაქეს და კომპანიას, რომლებიც აქტურად თანამშრომლობენ მუნიციპალიტეტის მერიასთან და კორონავირუსის გავრცელების პრევენციის დროს იჩენენ მაღალ სოციალურ პასუხისმგებლობას.
ავტორი: NS (სტატია დაფინანსებულია),
epn.ge (@expressnews.ge)
