მსესხებლებს ვურჩევთ, სესხი მხოლოდ ეროვნული ვალუტით აიღონ, ასევე გრძელვადიან დანაზოგი უმჯობესია ეროვნული ვალუტით განხორციელდეს, - ამის შესახებ ეროვნული ბანკის ვიცე-პრეზიდენტმა არჩილ მესტვირიშვილმა განაცხადა.

საქართველოში საგარეო სექტორის კორექციის გამო, ლარს გამყარების ტენდენცია აქვს, თუმცა ოპტიმისტური მოლოდინების გამო ლარი იმაზე მეტად იყო გამყარებული, ვიდრე იმ მომენტისათვის არსებული ფუნდამენტური ფაქტორები განაპირობებდა, რასაც ბუნებრივია, კორექცია მოყვა, - ამის შესახებ  საქართველოს ეროვნული ბანკის ვიცე-პრეზიდენტმა, არჩილ მესტვირიშვილმა განაცხადა. 

საქართველოს ოკუპირებული ტერიტორიებიდან იძულებით გადაადგილებულ პირთა, ლტოლვილთა და განსახლების მინისტრი  სოზარ სუბარი  „საქართველოში დაბრუნებულ მიგრანტთა სარეინტეგრაციო დახმარების“ 2016 წლის პრეზენტაციას დაესწრო. 

საქართველოს რეგიონული განვითარებისა და ინფრასტრუქტურის მინისტრის პირველი მოადგილე ილია დარჩიაშვილი და საავტომობილო გზების დეპარტამენტის თავმჯდომარე გიორგი სეთურიძე, დარიალის ხეობაში, სტიქიის სალიკვიდაციო სამუშაოების მიმდინარეობას გაეცნენ. 

საქართველოს იუსტიციის მინისტრმა თეა წულუკიანმა, რუმინეთის იუსტიციის მინისტრ ალექსანდრა რალუკა პრუნას უმასპინძლა.

მაღალმთიან რეგიონში ბიზნესის წამოწყების მსურველებს უნიკალური შესაძლებლობა ეძლევათ - დღეიდან, 29 ივლისის ჩათვლით სახელმწიფო პროგრამის „აწარმოე საქართველოში“ ფარგლებში აღნიშნულ რეგიონებში მცხოვრებ დაინტერესებულ პირებს  შეუძლიათ საკუთარი ბიზნეს იდეები ვებგვერდზე www.qartuli.ge წარადგინონ და საქართველოს ეკონომიკისა და მდგრადი განვითარების სამინისტროს მეწარმეობის განვითარების სააგენტოს დახმარებით, საკუთარი საქმე მთაში წამოიწყონ.

ევროპაში აშშ-ის სარდლობის წარმომადგენლები საქართველოს თავდაცვის სამინისტროს ეწვივნენ.

საქართველოს ფინანსთა მინისტრი ნოდარ ხადური სამუშაო ვიზიტით იაპონიაში იმყოფება.

1, 2,  3  და 10 ივლისს „რკინის თეატრში“ დავით ანდღულაძის სპექტაკლის - „ჩიტები“ (ალექსანდრე ქოქრაშვილის „მეზუნია ჩიტების“ მიხედვით) პრემიერა გაიმართება.

საქართველოს პრემიერ-მინისტრ გიორგი კვირიკაშვილს მიაჩნია, რომ სავალდებულო სამხედრო სამსახურის გაუქმების გადაწყვეტილებას მთავრობის სხდომის ფორმატში განხილვა სჭირდება.

მაისში, ლარში გაცემული სესხების მოცულობა 10.3 მილიონი ლარით გაიზარდა, უცხოური ვალუტით გაცემული კი, 284.3 მილიონი ლარით შემცირდა.

„ქართული ოცნება-დემოკრატიული საქართველოს" მაჟორიტარული სიის პრეზენტაცია, სავარაუდოდ, ივლისის პირველ რიცხვებში გაიმართება, - ამის შესახებ ჟურნალისტებს „ქართული ოცნება-დემოკრატიული საქართველოს" აღმასრულებელმა მდივანმა ირაკლი კობახიძემ განუცხადა.

საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრი სოზარ სუბარი უარყოფს  ინფორმაციას, რომ  "ქართული ოცნების" საარჩევნო  სიაში თბილისის ერთ-ერთი უბნის მაჟორიტარად იქნება.

საქართველოს თავდაცვის მინისტრის მოადგილე ანა დოლიძე თანამდებობიდან გადადგა, - ამის შესახებ "ექსპრესნიუსს" თავდაცვის სამინისტროში დაუდასტურეს. 

საქართველოს ეროვნული უშიშროების საბჭოს აპარატს სამხედრო სავალდებულო სამსახურის გაუქმების შესახებ ჯერ რაიმე ოფიციალური დოკუმენტი არ მიუღია და თავდაცვის მინისტრის ბრძანების თაობაზე მხოლოდ მინისტრის განცხადების დონეზე არიან ინფორმირებული.