გორში პოლიციელების მიერ ნაცემი პაპუნა ლოცულაშვილის და ლაშა აბისონაშვილს ადვოკატს რევაზ რევაზიშვილს პროკურატურამ გაუთქმელობაზე მოაწერინა ხელი, შესაბამისად დაზარალებულ მხარეს მტკიცებულებებზე საჯაროდ საუბარი აღარ შეეძლებათ. 

"ექსპრესნიუსის" ინფორმაციით შინაგან საქმეთა სამინისტრომ საქმის დეტალებზე საუბარი აუკრძალა დაზარალებულებსაც და მის ახლობლებსაც. სანაცვლოდ გარკვეული პერიოდის შემდეგ პაპუნა ლოცულაშვილის წინააღმდეგ სისხლის სამართლის საქმის შეწყვეტას დაჰპირდნენ.

ამ მოვლენებს წინ უსწრებდა სამოქალაქო საზოგადოებიდან ჩართულ ადვოკატებზე უარის თქმა. პოსტი გამოაქვეყნა ნაცემი ახალგაზრდის უფლებადამცველმა ლაშა ტყეშელაძემაც. მისი თქმით, ის აღარ იქნება პაპუნა ლოცულაშვილის ადვოკატი და საქმის წარმოებას საქართველოს ბანკის იურისტი გააგრძელებს.

მანამდე თავად ლოცულაშვილმა მისი ძმის პირით განცხადება გაავრცელა, სადაც საზოგადოებას მადლობა გადაუხადა.

"მინდა მივმართო იმ ადამიანებს , ვინც ამ ამბით სათავისოდ გამოყენებას ცდილობს და ჩემი ამბით გამოჩენა უნდა ნუ გამოიყენებთ ჩემს მდგომარეობას თქვენს სასიკეთოდ .

სამწუხაროდ, ბევრი ადამიანი ჩემს ნაცვლად აკეთებს სხვადასხვა პოლიტიკურ განცხადებებს. გთხოვთ, ნურავინ ისაუბრებს ჩემს ნაცვლად

და ეს ფაქტი რაც მოხდა მომავალშიც იქნება მაგალითი სხვებისთვის რომ დაუსჯელი არავინ დარჩება , ვინც ასე მოიქცევა" - წერია გავრცელებულ პოსტში.

27 მაისს პოლიციამ გორში პაპუნა ლოცულაშვილზე იძალადა; თავდაპირველად პოლიციამ იგი დააკავა, ჟურნალისტების მიერ გადაღებული ძალადობის ამსახველი ვიდეოკადრების გავრცელების შემდეგ კი პროკურორმა მისი იზოლატორიდან გათავისუფლება მოითხოვა, თუმცა მის წინააღმდეგ საქმის წარმოება გრძელდება; კაცს ედავებიან პოლიციელზე ძალადობას - მის წინააღმდეგ საქმე აღძრულია სისხლის სამართლის კოდექსის 353-ე მუხლით და შინაპატიმრობა, ჯარიმა ან ორიდან ექვს წლამდე პატიმრობა ემუქრება;

შინაგან საქმეთა მინისტრის მოადგილემ, ალექსანდრე დარახველიძემ, 28 მაისს განაცხადა, რომ მოქალაქე საპოლიციო გადამოწმების მიზნით იყო შეჩერებული და ძალადობას წინ უსწრებდა მისი მხრიდან „აგრესიული ქმედება“ და „თავდასხმა“.

პოლიციელების წინააღმდეგ პროკურატურამ გამოძიება დაიწყო სისხლის სამართლის კოდექსის 333-ე მუხლის მესამე ნაწილის "ბ" ქვეპუნქტით. ეს მუხლი სამსახურებრივი უფლებამოსილების გადამეტებას გულისხმობს ძალადობით ან იარაღის გამოყენებით;

გორში მომხდარი ძალადობის საქმეზე 28 მაისს ექვსი პოლიციელი დააკავეს. მათ 5-დან 8 წლამდე პატიმრობა ემუქრებათ; დაკავებული პოლიციელები არიან: ვლადიმერ გოდერძიშვილი, ვანიკო მისირელი, გიორგი (ზაკო) წკრიალაშვილი, ალექსი ბადალოვი, ბესო მალაციძე, საბა წაველიძე;

პოლიციელების მიერ ნაცემი პაპუნა ლოცულაშვილი 27 მაისს კლინიკა „ვივამედშიც“ იმყოფებოდა გამოკვლევებზე. მან სამედიცინო დაწესებულება რამდენიმე საათში დატოვა. პაპუნა ლოცულაშვილს ნეკნი აქვს გატეხილი; ის 29 მაისს, გვიან ღამით, კვლავ მოხვდა კლინიკაში. 

ავტორი: ექსპრესნიუსი,

სოციალური ქსელები

შსს: დავაკავეთ კაცი, დიღომში სკვერში არასრულწლოვანის მიმართ გარყვნილი ქმედება ჩაიდინა

საქართველოს ბანკის მომხმარებლები 5, 6 და 7 ივნისს, „ბაზარი ორბელიანზე“ მეწარმე ქალების პროდუქციის შეძენისას 30%-იან ქეშბექს მიიღებენ

რუსეთში „3+3“ ფორმატის ექსპერტთა შეხვედრა დაანონსდა, საქართველოს პოზიცია უცნობია

საქართველოს ბანკის რიგით 28-ე თანამედროვე ბიბლიოთეკა გურიის სოფელ ხიდისთავში გაიხსნა