არ ვარ არც ადამიანურად, არც პოლიტიკურად მაზოხისტი, რომ ივანიშვილის მიერ შექმნილი ოპოზიცია გავხდე, - ამის შესახებ საქართველოს პარლამენტის თავმჯდომარემ დავით უსუფაშვილმა "ინგა გრიგოლიას დღის ამბების" ეთერში განაცხადა.

სერბეთის რესპუბლიკაში სამუშაო ვიზიტის ფარგლებში, საბერძნეთსა და სერბეთის რესპუბლიკებში საქართველოს საგანგებო და სრულუფლებიანმა ელჩმა იოსებ ნანობაშვილმა, ბელგრადის  „ბიზნეს-კლუბში", საქართველოს სამეწარმეო-საინვესტიციო შესაძლებლობების პრეზენტაცია წარმოადგინა.

ვარკეთილში მომხდარი ავტოსაგზაო შემთხვევის შედეგად, ერთი ადამიანი გარდაიცვალა, ერთი კი, დაშავდა.

2017 წლის ზაფხულში, საფრანგეთის ქალაქ ბორდოში, ღვინის ცივილიზაციის ცენტრში, ღვინის საერთაშორისო გამოფენა გაიმართება, სადაც საქართველო პირველ საპატიო სტუმრის სტატუსით არის მიწვეული.

„სმარტი“ სურსათის უვნებლობის საერთაშორისო ექსპერტთან, მატი ლამპთან ერთად ხორცპროდუქტების ხარისხის ცნობადობის კამპანიას იწებს და ერთგულ მომხმარებელს, არამხოლოდ „სმარტის“ ხარისხის კონტროლის პროცედურებს გააცნობს, არამედ მათ კონსულტაციებს გაუწევს როგორ შეარჩიონ ხარისხიანი, ჯანსაღი ხორცი და როგორ მოამზადონ ის გემოვნური და სასარგებლო თვისებების დაკარგვის გარეშე. 

საქართველო, როგორც კინოგადაღების მოედანი,  უფრო და უფრო დატვირთული ხდება და   კინოინდუსტრიის წახალისების პროგრამით „გადაიღე საქართველოში“ დაინტერესებულთა რიცხვი ყოველდღიურად მატულობს. 

25 წელზე მეტია,  ვარ „რესპუბლიკურ პარტიაში”,  ამ პარტიის აქტიური წევრი ვარ 2005 წლიდან, ამ ხნის განმავლობაში არასოდეს არ გვიჩხუბია მე და დათო ბერძენიშვილს ან ლევან ბერძენიშვილს, - ამის შესახებ საქართველოს პარლამენტის მოქმედმა თავმჯდომარემ, დავით უსუფაშვილმა ტელეკომპანია „პირველის“ ეთერში განაცხადა.

პრეზიდენტს მიაჩნია, რომ მოსამართლეთა დანიშვნა, ან არდანიშვნა უნდა ხდებოდეს დასაბუთებულად და კანდიდატებს უნდა ჰქონდეთ საბჭოს გადაწყვეტილების გასაჩივრების შესაძლებლობა, - ამის შესახებ  პრეზიდენტის პრესსპიკერმა ეკა მიშველაძემ დღეს გამართულ პრესკონფერენციაზე განაცხადა.

პრეზიდენტი ამ ეტაპზე არანაირი პოლიტიკური პარტიის შექმნას არ აპირებს, - ამის შესახებ პრეზიდენტის სპიკერმა ეკა მიშველაძემ „ექსპესნიუსის“ კითხვაზე საპასუხოდ განაცხადა, რომლის მიხედვითაც „ვრცელდება ინფორმაცია, რომ პრეზიდენტის საფარქვეშ შესაძლოა ჩამოყალიბდეს ახალი პროდასავლური პარტია და მისი წევრები შესაძლოა „რესპუბლიკური პარტიის“ ყოფილი ლიდერები იყვნენ.

ცენტრალური საარჩევნო კომისიის მიერ საბოლოო შედეგების შემაჯამებელი ოქმის გამოქვეყნების შემდეგ, საქართველოს პრეზიდენტი მოიწვევს პარლამენტის პირველ სხდომას, რომელსაც თავად გახსნის და პარლამენტს სიტყვით მიმართავს, - ამის შესახებ პრეზიდენტის პრესსპიკერმა ეკა მიშველაძემ დღეს გამართულ პრესკონფერენციაზე განაცხადა.

დიდუბის რაიონის ტერიტორიაზე აღრიცხულ ბინათმესაკუთრეთა ამხანაგობებს შორის საპილოტე კონკურსის მეორე ეტაპის გამარჯვებულები გამოვლინდნენ.