ოკუპირებულ სამხრეთ ოსეთში დე ფაქტო საპრეზიდენტო არჩევნებთან  ერთად, 2017 წლის 9 აპრილს, პლებისციტიც ჩატარდება.

შინაგან საქმეთა სამინისტროს თანამშრომლებს „BP-საქართველოს“ გენერალურმა მენეჯერმა კრის შლიტერმა სამსახურებრივი მოვალეობების სანიმუშოდ შესრულებისთვის, სტრატეგიული მილსადენების უსაფრთხოების უზრუნველყოფის სფეროში და სამოქალაქო სექტორთან ურთიერთობების გაღრმავების საქმეში შეტანილი განსაკუთრებული წვლილისთვის მადლობა გადაუხადა. მან შსს-ს სტრატეგიული მილსადენების დაცვის დეპარტამენტის, განსაკუთრებულ დავალებათა დეპარტამენტისა და შიდა ქართლის პოლიციის დეპარტამენტის 74 თანამშრომელს მადლობის სიგელები გადასცა.

დღეს პარლამენტის საგაზაფხულო სესია ბიუროს სხდომით გაიხსნება.

შსს-ს სამცხე-ჯავახეთის პოლიციის დეპარტამენტის ნინოწმინდის რაიონული სამმართველოს თანამშრომლებმა, ჩატარებული ოპერატიულ-სამძებრო და საგამოძიებო ღონისძიებების შედეგად, 1995 წელს დაბადებული ი.პ. ქურდობის ბრალდებით დააკავეს, ხოლო 1961 წელს დაბადებული ი.მ. და 1984 წელს დაბადებული  ვ.გ. წინასწარი შეთანხმებით ჯგუფის მიერ დანაშაულებრივი გზით მოპოვებული ქონების შეძენის ბრალდებით სისხლის სამართლის პასუხისგებაში მისცეს.

ლარი დოლართან და ევროსთან მიმართებაში გამყარდა.