შუახევის მერი ფრიდონ ფუტკარაძე საკრებულოს თავმჯდომარე გიორგი დავითაძესთან და სხვა ხელმძღვანელ პირებთან ერთად სოფელ ცივაძეებში მცხოვრებ რაული ცივაძისა და მაგული დავითაძის სოციალურად დაუცველ, მრავალშვილიან ოჯახს სტუმრობდა. მერი ოჯახის მდგომარეობით დაინტერესდა, პატარებს საჩუქრები მიუტანა და მისი მოულოდნელი სტუმრობით ოჯახი გაახარა.

ცივაძეების ოჯახში ოთხი მცირეწლოვანი ბავშვი იზრდება. 7 წლის როლანდი ტაკიძეების საჯარო სკოლის მეორე კლასის მოსწავლეა, ხვალ პირველად შეაღებენ სკოლის კარს ტყუპები ელენე და ელისაბედი, 4 წლის ნიკოლოზი კი ჭვანის ბაგა-ბაღის აღსაზრდელია.

მრავალშვილიან ოჯახს შუახევის მერიის სოციალური პროგრამის ფარგლებში ახალი სასწავლო წლის სამზადისისთვის ერთჯერადად 1000 ლარი გადაეცა. როგორც მშობლებმა აღნიშნეს პატარები ახალ სასწავლო წელს მომზადებული ხვდებიან და სწავლის დაწყებას მოუთმენლად ელიან.

 ,,მრავალშვილიანი ოჯახებზე დახმარება ჩვენი სახელმწიფოს ერთ-ერთი პრიორიტეტია. ჩვენი ვალია ხელი შევუწყოთ მათ გაძლიერებასა, კეთილდღეობას და დემოგრაფიული მდგომარეობის გაუმჯობესებას, ვინაიდან მრავალშვილიანობა საქართველოს სიძლიერეა“- განაცხადა ფრიდონ ფუტკარაძე.

ცივაძეების მსგავსად მერიის სოციალური პროგრამით 55-მა მრავალშვილანმა ოჯახმა უკვე ისარგებლა.

მიმდინარე წელს ერთჯერადი ფულადი დახმარება 60 მრავალშვილიან ოჯახზეა გათვლილი და პროგრამით სარგებლობა ბენეფიციარებს 2019 წლის ბოლომდე შეეძლებათ.
NS

ავტორი: ექსპრესნიუსი,

სოციალური ქსელები

პუტინის სპეციალური წარმომადგენელი უკრაინასთან დაკავშირებული მოლაპარაკებებისთვის თითქმის ერთი წლის შემდეგ პირველად აშშ-ში ჩავიდა

რეჟიმის წარმომადგენელი პაპუაშვილი გორში ფესტივალის გაუქმების დაგმობის გამო, ევროკავშირს თავს ლუქსემბურგიდან ესხმის

პაპუაშვილი – ე.წ. უწყვეტი პროტესტი მიმართულია იქითკენ, თავის თავს რაღაცნაირად დააჯერონ, რომ არსებობენ

ევროკავშირი სინანულს გამოთქვამს უსაფრთხოების მიზეზით გორში ფესტივალ კამარას გადადების გამო