„პარლამენტი ხალხის მიერ არჩეულია და მოსახლეობას ყოველდღიური შესაძლებლობა უნდა ჰქონდეს, რომ აქ განსახილველ საკითხებზე საკუთარი პოზიცია უკეთ გამოხატოს“, - ამის შესახებ პარლამენტის თავჯდომარე დავით უსუფაშვილმა ჟურნალისტებს ინტერფრაქციული ჯგუფის და ღია პარლამენტის სამუშაო შეხვედრის დასაწყისში განუცხადა. 

მისივე თქმით, პარლამენტში, არჩევნებამდე,  სერიოზული ღონისძიებები იქნება გატარებული. 

არჩევნებამდე შორია, მაგრამ უკვე გპირდებით, რომ პარლამენტში სერიოზული ღონისძიებები იქნება გატარებული იმისთვის, რომ პარლამენტის საქმიანობა იყოს უფრო ღია და ხელმისაწვდომი ჩვენი მოქალაქეებისთვის. კონცეფცია აქ არის მარტივი. პარლამენტი არჩეული ხალხის მიერ და მას უნდა ჰქონდეს ყოველდღიური კომუნიკაცია საზოგადოებასთან ყველა იმ საკითხზე რაც პარლამენტში იხილება. ეს კომუნიკაცია არ უნდა იყოს მხოლოდ ცალმხრივი, რათა  ჩვენს მოსახლეობას ვამცნოთ, რა გადავწყვიტეთ, ეს უნდა იყოს ორმხირივი, მოსახლეობას საშუალება უნდა ჰქონდეს ყოველდღიური შესაძლებლობა,  რომ განსახილველ საკითხებზე საკუთარი პოზიცია უკეთ გამოხატოს. ამ მიზნით სამუშაო ჯგუფი, რომელშიც შედიან სამოქალაქო სექტორი და დეპუტატები, მუშაობენ ამ თემაზე. დღევანდელ სხდომაზე 18 საპროექტო მონახაზი იხილება და იმედი მაქვს,  რომ დღეს მუშაობა დასრულდება შემდეგი წელიწადნახევრის მანძილზე განსახორციელებელი ღონისძიებების შესახებ.  ხშირად არის ჩივილი, რომ კომიტეტის სხდომაზე უცებ ჩნდება საკითხი, რომელიც წინასწარ არ იყო დღის წესრიგში და დაინტერესებულ პირს არ ჰქონდა საშუალება  ამ თემას გაცნობოდა. ერთის მხრივ, ეს გარდაუვალია რადგან ცხოვრება დინამიურია და შეიძლება ეს თემა გუშინ გაჩნდა, მაგრამ მეორეს მხრივ ბოროტად არ უნდა ვისარგებლოთ ამ ტიპის ნოვაციებით. დარწმუნებული ვარ, რომ სამუშაო ჯგუფი კონკრეტულ გადაწყვეტილებამდე მივა და მომავალი ერთი წლის განმავლობაში ჩვენი პარლამენტი გახდება მართლა ჩვენი, კიდევ უფრო ჩვენი მოქალაქეების, თქვენი, ყველასი, ვისაც ეს ორგანო ეკუთვნის”, - აღნიშნა უსუფაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპი: აშშ-სა და ჩინეთს თავისი შეხედულებები აქვთ ირანის ომის დასრულების შესახებ

რუსეთის მართლმადიდებლურ ეკლესიაში მკვეთრად შეამცირდა იმ რუსების რიცხვი, რომლებიც საკუთარ თავს მართლმადიდებლებს უწოდებენ

გერმანიის შეიარაღებული ძალების მეთაური: რუსეთმა შესაძლოა ნატოს 2029 წელს შეუტიოს

ჰელსინკის აეროპორტის ფუნქციონირება დრონის გამო შეჩერდა