„ვათვითცნობიერებთ, რომ ჩვენი ქვეყნის დემოკრატიზაციის კვალობაზე ძალიან მაღლა დგას და ვითარდება ადამიანის უფლებების დაცვის,  ასევე გარემოს დაცვის სტანდარტები,  ამ კუთხით საუკეთესო ევროპულ მაგალითებსაც ვუტოლდებით, მაგრამ ამავდროულად, აუცილებელია მეტი მუშაობა, რასაც ჩვენ ვახორციელებთ იმისთვის, რომ შედგეს პროდუქტიული დიალოგი მოსახლეობას, ინვესტორსა და არასამთავრობო ორგანიზაციებს  შორის. საბოლოო ჯამში, ყველა ამ სოციალური ასპექტის გათვალისწინებით ინვესტიციები უნდა დაჩქარდეს და ადგილობრივი  ენერგეტიკის წყაროები განვითარდეს. თუ ჩვენი სიმდიდრე - წყლის, ქარისა და მზის რესურსი ეფექტიანად არ  გამოვიყენეთ, რა თქმა უნდა, დიდი გამოწვევების წინაშე დავდგებით“, - ამის შესახებ ეკონომიკის მინისტრის მოადგილემ მედიის წარმომადგენლებთან განაცხადა.

ჟურნალისტის კითხვაზე, რატომ ფერხდება ზოგჯერ რომელიმე ენერგეტიკული პროექტი, ნათია თურნავამ განმარტა, რომ ასეთი პრობლემა ყოველთვის კომპლექსურია და არ არის ერთ კონკრეტულ ასპექტზე დამოკიდებული. „ერთი მხრივ, ჩვენი ბაზარი, ჩვენი საინვესტიციო გარემო არის ძალიან მიმზიდველი ინვესტორებისთვის და ამ თვალსაზრისით, ენერგეტიკა ყოველთვის არის  ერთ-ერთი ლიდერი, მაგრამ მოხდა გარკვეული აცდენა  სოციალური პრობლემის გათვალისწინებასთან. ვფიქრობ, რომ მოსახლეობასთან მეტი მუშაობა და დიალოგია საჭირო, ამას ინვესტორებიც ათვიცნობიერებენ.  ჩვენ როლს ვხედავთ ამ დიალოგის ფასილიტაციაში ანუ ეს ორი კომპონენტი - სოციალურ/ეკოლოგიური მხარე და საინვესტიციო მიმზიდველობა უნდა დაეწიოს ერთმანეთს“, - განაცხადა მინისტრის მოადგილემ.

ნათია თურნავამ დღეს სასტუმრო „შერატონში"  კავკასიის რეგიონის ენერგეტიკული უსაფრთხოებისადმი მიძღვნილი კონფერენცია მისასალმებელი სიტყვით გახსნა და ისაუბრა იმ გამოწვევებსა თუ მნიშვნელოვან მიმართულებებზე, რომლებიც აქტუალურია საქართველოში ენერგეტიკულ საკითხებზე ცნობიერების ამაღლების კუთხით.

(NS)

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ჩინეთიდან შემოსულმა ინვესტიციებმა შეადგინა 236 მლნ დოლარი, იგი პირველ ადგილზეა

პაპუაშვილი კოსს - ჯობია იყო ფურცელზე კანდიდატი ქვეყანა, ვიდრე ფურცელზე სახელმწიფო

კობახიძე- უმნიშვნელოვანესი საინვესტიციო პროექტი არის იგლ ჰილსის პროექტი, უკვე მომავალ წელს ეტაპობრივად დაიწყება სამშენებლო სამუშაოები

შეერთებულმა შტატებმა ოფიციალურად მოითხოვა, რომ რუსეთმა შავი ჭირის კვლევის ცენტრის თანამშრომლის გარდაცვალების დეტალები მიაწოდოს