აჭარის საზოგადოებრივი ჯანდაცვის ცენტრის უფროსის მოადგილედ ნონა ეფაძე დაინიშნა.

ნონა ეფაძე აღნიშნულ თანამდებობაზე კონკურსის გზით შეირჩა.

დაწესებულების თანამშრომლებს ხელმძღვანელის ახალი მოადგილე აჭარის ა/რ ჯანმრთელობისა და სოციალური დაცვს მინისტრმა, ზაალ მიქელაძემ და მინისტრის პირველმა მოადგილემ, ნინო ნიჟარაძემ წარუდგინეს.

ნონა ეფაძეს აჭარის ა.რ. საზოგადოებრივი ჯანდაცვის უწყებაში საქმიანობის 12 წლიანი გამოცდილება აქვს: 2006 - 2007 წლებში იყო აჭარის საზოგადოებრივი ჯანმდაცვის სამმართველოს მთავარი სპეციალისტი; 2007 წლიდან დღემდე - აჭარის ა/რ საზოგადოებრივი ჯანდაცვის ცენტრის ბათუმის განყოფილების უფროსი. ნონა ეფაძეს დამთავრებული აქვს ქ. თბილისის სახელწიფო სამედიცინო უნივერსიტეტი, პროფილაქტიკური მედიცინის ფაკულტეტი; მიღებული აქვს სახელმწიფო სერთიფიკატები ზოგად ჰიგიენასა და ეპიდემიოლოგიაში. გავლილი აქვს აშშ დაავადებათა კონტროლისა და პრევენციის ცენტრის (CDC) გამოყენებითი ეპიდემიოლოგიისა და ლაბორატორიული სწავლების სამხრეთ კავკასიის 2 წლიანი რეგიონალური პროგრამა. ნონა ეფაძე პარალელურად ეწევა საგანმანათლებლო საქმიანობას - ის გახლავთ აშშ დაავადებათა კონტროლისა და პრევენციის ცენტრისა (CDC) და დაავადებათა კონტროლისა და საზოგადოებრივი ჯანმრთელობის ეროვნული ცენტრის (NCDC) პროგრამის მენტორი საველე ეპიდემიოლოგიაში.

(NS)

ავტორი: ,

სოციალური ქსელები

ალიევმა გაათავისუფლა საფრანგეთის ორი მოქალაქე რომლის გამოც ორი რუსი ოლიგარქი სანქციების სიიდან ამოიღეს

80 000-მდე აბონენტს, მათ შორის თბილისის რამდენიმე უბანს, მცხეთას, ნატახტარს, წიწამურსა და წეროვნის დევნილთა დასახლებას, წყალმომარაგება 36 საათით შეეზღუდება

გორდულაძე – ევროკავშირში უნდა აწყობდეთ, რომ ჩიხში შესული ურთიერთობებიდან გამოსავალი თავადვე მოძებნონ

წითლიძე- აფხაზეთში ჯერ კიდევ არის რუსული ნარატივი, რომ აფხაზებსა და ქართველებს შორის უნდა იყოს მტრობა