ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრის სოზარ სუბარის განცხადებით, ამ ეტაპზე დევნილი ოჯახებისთვის რეაბილიტირებულ და ახალაშენებულ კორპუსებში ბინების გადაცემის პროცესი გრძელდება.

მისი თქმით, 2016 წლის ბოლომდე 1581 დევნილი ოჯახი საცხოვრებელი ფართით დაკმაყოფილდება. მინისტრის ინფორმაციით, ქუთაისში 2000 დევნილი ოჯახისთვის 25 16 სართული კორპუსი აშენდება, ზუგდიდში კი 2 460 დევნილი ოჯახისთვის 34 12 სართულიანი კორპუსი.

„აღნიშნული პროექტების დასრულების შემდეგ იმერეთისა და სამეგრელოს რეგიონში დევნილთა განსახლების მწვავე პრობლემა მოიხნება. ქუთაისში ორი კორპუსის მშენებლობა უახლოესი 10 დღის განმავლობაში, ხოლო ზუგდიდში სამშენებლო სამუშაოები თვენახევარში დაიწყება. ეს არაა სრული ჩამონათვალი ამ მიმართულებით. სამინისტრო აქტიურად მუშაობს და მალე მშენებლობები დაიწყება რუსთავსა და წყალტუბოში. 2012 წლის ოქტომბრიდან დღემდე 2 ათას 500-მდე დევნილ ოჯახს გადაეცა ბინა, 2016 წლის ბოლომდე კი 1581 დევნილი ოჯახი დაკმაყოფილდება საცხოვრებელი ფართით“, - აღნიშნა სოზარ სუბარმა.

განსახლებისა და ლტოლვილთა მინისტრმა ეს განცხადება ადამიანის უფლებათა დაცვის კომიტეტის სხდომაზე გააკეთა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ნიუ-იორკის სასამართლომ ქართველ ნაცისტს ყასაბის სახელით ცნობილ იხეილ ჩხიკვიშვილს 15 წლით თავისუფლების აღკვეთა მიუსაჯა

მარკეტა გრეგოროვა: „იმედმა“ და სხვა პროსამთავრობო არხებმა ევროპარლამენტის წესები დაარღვიეს

ტროტუარზე დგომის საბაბით ბუკა პეტრიაშვილს 3-დღიანი პატიმრობა შეუფარდეს

საქართველოს ბანკისა და UN Women-ის მხარდაჭერით, „ბაზარი ორბელიანზე“ მეწარმე ქალების პროდუქციის გამოფენა-გაყიდვა გაიმართება