ერევანში საპროტესტო აქციაზე სამართალდამცველებმა 66 პირი დააკავეს, - ამის შესახებ "რია ნოვოსტი" ერევნის პოლიციის პრესსამსახურის უფროსზე ედგარ ჯანოიანზე დაყრდნობით იუწყება.

როგორც ჯანოიანმა აღნიშნა, დაკავებული არიან აქციის ის მონაწილეები, რომლებმაც ქალაქის ერთ-ერთი ცენტრალური ქუჩა გადაკეტეს.

მედია საშუალების ინფორმაციით, საფრანგეთის მოედანზე სადაც აქცია მიმდინარეობს, ასობით ადამიანია შეკრებილი. აღსანიშნავია, რომ ადგილზე სამართალდამცველების გარდა სპეცრაზმია მობილიზებული.

ოპოზიციონერმა დეპუტატმა და აქციის ერთ-ერთმა ორგანიზატორმა ნიკოლ ფაშინიანმა სამართალდამცველებს აქციის მონაწილეების გათავისუფლებისკენ მოუწოდა.

"მოვუწოდებთ პოლიციას ჩვენი მხარდამჭერები გაათავისუფლონ. მივესალმებით დაკავებულების სიმამაცეს და სიმტკიცეს", - განაცხადა დეპუტატმა.

აღსანიშნავია, რომ გუშინ ნიკოლ ფაშინიანმა ქვეყანაში „ხავერდოვანი რევოლუციის“ დაწყების შესახებ განაცხადა. მან მომიტინგეებს მოუწოდა საკასაციო სასამართლოს, პროკურატურის და მთავრობის ადმინისტრაციის ბლოკადა მოეხდინათ.

ცნობისთვის, ვითარება ერევანში ორშაბათს დაიძაბა, როდესაც მომიტინგეებმა პარლამენტის შენობაში შეღწევა სცადეს. აღნიშნულს მოჰყვა ფიზიკური დაპირისპირება, რის შედეგადაც 46 ადამიანი დაშავდა, მათ შორის 6 პოლიციელი.

შეგახსენებთ,  რომ 31 მარტიდან პარტია „სამოქალაქო თანხმობა“ სომხეთის ქალაქებში მსვლელობებს მართავდა, რაც 13 აპრილს ერევანში გამართული მიტინგით და საფრანგეთის მოედანზე მჯდომარე აქციით დასრულდა. 14 აპრილს აქციის მონაწილეები სომხეთის საზოგადოებრივი რადიოს შენობაში შეიჭრნენ და ეთერი მოითხოვეს. ოპოზიცია გრძელვადიან აქციებსა და გაფიცვებს აანონსებს. აქციის მონაწილეები პრემიერ-მინისტრად სერჟ სარგსიანის დანიშვნას აპროტესტებენ. ამასთან, სომხეთის პარლამენტმა პრემიერის პოსტზე სერჟ სარგსიანი 17 აპრილს, ხმათა უმრავლესობით დაამტკიცა. 

ავტორი: ,

სოციალური ქსელები

საქართველოს ბანკმა ახალი, SUPER ნაკრები გამოუშვა

ლაშა ფარულავა - 2027 წლის ბიუჯეტი ივანიშვილის ჩინოვნიკების კეთილდღეობის პროექტია, ქართველი ხალხის ხარჯზე

კობახიძე - დღეს, როდესაც ევროპული სივრცე სერიოზული პოლიტიკური, იდეოლოგიური, დემოგრაფიული და ღირებულებითი გამოწვევების წინაშე დგას

ახალგაზრდა ინჟინერთა საშაბათო სკოლა - „თეგეტა აკადემია“ მოზარდებისთვის ავტოინჟინერიის ინოვაციურ კურსს იწყებს