დეკანოზ გიორგი მამალაძესთან ე.წ მატროსოვის ციხეში საპატრიარქოს მსჯავრდებულებთან ურთიერთობის დეპარტამენტის თავმჯდომარე გიორგი თევდორაშვილი მივიდა. 

როგორც თევდორაშვილმა აღნიშნა, ის მამა გიორგი მამალაძის მოსანახულებლად ქორეპისკოპოს თეოდორეს კურთხევით მივიდა. 

„მოვედი ქორეპისკოპოსის კურთხევით, რათა მოვინახულო ჩემი სულიერი ძმა, მამა გიორგი მამალაძე და მისი ჯანმრთელობის მდგომარეობით დავინტერესდე“, - განაცხადა მამა გიორგი თევდორაშვილმა. 

შეგახსენებთ, რომ გუშინ ბრალდებულის დაკითხვა ჩაიშალა. ადვოკატებმა მიზეზად მისი შეუძლოდ ყოფნა დაასახელეს. პროკურატურა კი ადასტურებდა, რომ დეკანოზი ჯანმრთელია. 

შეგახსენებთ, დეკანოზი გიორგი მამალაძე პროკურატურის თანამშრომლებმა მკვლელობის მომზადების ფაქტზე ბრალდებულის სახით 10 თებერვალს დააკავეს. 12 თებერვალს საქართველოს პროკურატურის შუამდგომლობის საფუძველზე თბილისის საქალაქო სასამართლოს განჩინებით გიორგი მამალაძეს აღკვეთის ღონისძიების სახით პატიმრობა შეეფარდა. იგი რუსთავის მე-6 პენიტენციურ დაწესებულებაში იმყოფებოდა, 15 თებერვალს კი, ე.წ. მატროსოვის ციხეში გადაიყვანეს. აღსანიშნავია, რომ დეკანოზი წარდგენილ ბრალს არ აღიარებს. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ქართველი მედიკოსები დიუშენის სინდრომის მქონე ბავშვების და მათი მშობლების მხარდასაჭერად ერთიანდებიან

რუბიომ უკრაინის არმია ევროპაში ყველაზე ძლიერ არმიად მოიხსენია

კიევზე რუსეთის დარტყმას 8 ადამიანი ემსხვერპლა, 44 დაშავდა, 20 ადამიანს კი ეძებენ

ნიუ-იორკის სასამართლომ ქართველ ნაცისტს ყასაბის სახელით ცნობილ იხეილ ჩხიკვიშვილს 15 წლით თავისუფლების აღკვეთა მიუსაჯა