„ერთიანი რუსეთის“ კანდიდატებმა ხმების უმრავლესობა 161 ერთმანდატიან ოლქში მოიპოვეს. ცენტრალური საარჩევნო კომისიის მიერ გამოცხადებული ეს მონაცემები ბიულეტენების 20,12%-ის დამუშავების შემდეგ მიიღეს.

საერთო ჯამში, პარლამენტის ქვედა პალატის ნახევარი — 225 დეპუტატი — ერთმანდატიან ოლქებშია არჩეული. მეორე ნახევარი კი პარტიული სიებით.

ცენტრალური საარჩევნო კომისიის მონაცემებით, ოთხ ერთმანდატიან ოლქში რუსეთის ფედერაციის კომუნისტური პარტია ლიდერობს, სამში — „სამართლიანი რუსეთი“, კიდევ სამში — დამოუკიდებელი კანდიდატები, ხოლო ორში — რუსეთის ლიბერალურ-დემოკრატიული პარტია.

პარტიული სიების მიხედვით, რუსეთის ცენტრალური საარჩევნო კომისიის მიერ ადრე გამოქვეყნებულ ინფორმაციაში ნათქვამი იყო, რომ ოქმების დაახლოებით 14%-ის დამუშავების შემდეგ, „ერთიან რუსეთს“ დაახლოებით 57% ჰქონდა, რუსეთის ფედერაციის კომუნისტურ პარტიას (CPRF) დაახლოებით 14%, რუსეთის ლიბერალურ დემოკრატიულ პარტიას (LDPR) დაახლოებით 9%, „ახალ სახალხო პარტიას“ დაახლოებით 8%, ხოლო „სამართლიან რუსეთს“ 5.16%.

„ერთიან რუსეთს“ წინა ორი მოწვევის სახელმწიფო სათათბიროში - მეშვიდე და მერვე - კონსტიტუციური უმრავლესობა - 300-ზე მეტი ადგილი ჰქონდა. მეექვსე მოწვევის პარლამენტის ქვედა პალატაში „ერთიან რუსეთს“ მარტივი უმრავლესობა (238 ადგილი) ჰქონდა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

რამზან კადიროვმა ჩეჩნეთის საპრეზიდენტო არჩევნებში ხმების 97.35% მიიღო

დუმის არჩევნებში პუტინის პარტია Единая Россия [ერთიანი რუსეთი] 57,54%-ით ლიდერობს

მემარცხენე პარტია (Die Linke) ბერლინის ადგილობრივ არჩევნებში პირველ ადგილზეა

საქართველოს მხარეზე მებრძოლი UNA-UNSO-ს დამფუძნებელი, მიკოლა კარპიუკი ოკუპანტებთან ბრძოლაში დაიძღუპა