აშშ-ის წარმომადგენელთა პალატამ დონალდ ტრამპ უმცროსის ქორწილის რუსი ოლიგარქ უმარ კრემლევის მიერ დაფინანსების გამოძიება დაიწყო. ინიციატივა წარმომადგენელთა პალატის ზედამხედველობის კომიტეტის თავმჯდომარე, დემოკრატი რობერტ გარსიას ეკუთვნის.

ამის შესახებ ინფორმაციას Axios ავრცელებს.

ზედამხედველობის კომიტეტის დემოკრატები იძიებენ მრავალრიცხოვან გზებს, რომლითაც ტრამპების ოჯახი პრეზიდენტ დონალდ ტრამპთან სიახლოვის გზით გამდიდრებას ცდილობდა, განაცხადა გარსიამ თეთრი სახლის ადმინისტრაციის უფროსის, სუზი უაილსისადმი გაგზავნილ წერილში.

კონგრესმენმა ტრამპ უმცროსს ცალკე წერილი გაუგზავნა. მასში გარსიამ ქორწილის დაფინანსებაში კრემლევის როლის გამოძიებას „შესაძლოა, დღემდე თქვენს წინააღმდეგ წაყენებული ყველაზე სერიოზული ბრალდება“ უწოდა.

კონგრესმენი ითხოვს დოკუმენტებს, ჩანაწერებს და მიმოწერას თეთრ სახლს, ტრამპ უმცროსსა და კრემლევს შორის. გარსიამ ასევე მოითხოვა ქორწილის სტუმრების სრული სია, ინფორმაცია ტრამპ უმცროსის რუს ოლიგარქთან კონტაქტების შესახებ და მიმოწერა თეთრ სახლთან ან აშშ-ის სადაზვერვო სააგენტოების წარმომადგენლებთან.

ProPublica-მ ადრე გაავრცელა ინფორმაცია, რომ კრემლევმა დაფარა ტრამპ უმცროსის ქორწილის ხარჯები, რომელიც 24 მაისს ბაჰამის კუნძულებზე გაიმართა. ჟურნალისტების თქმით, ხარჯები ასობით ათასი დოლარი იყო. კერძოდ, რუსმა ოლიგარქმა, სავარაუდოდ, გადაიხადა ორი კერძო კუნძულიდან ერთ-ერთის დაქირავება, სადაც ღონისძიება გაიმართა, ასევე ფეიერვერკი.

ტრამპ უმცროსის წარმომადგენელმა არ უარყო გადახდების ფაქტი. მან განაცხადა, რომ კრემლევი „დონის პირადი მეგობარია“, მაგრამ „არა ისეთი ადამიანი, ვისთანაც მას საქმიანი ურთიერთობა აქვს“.

კრემლევის პრესსამსახურმა ასევე დაადასტურა, რომ ისინი ერთმანეთს რამდენიმე წელია იცნობენ და მეგობრულ ურთიერთობას ინარჩუნებენ. მათ ასევე განაცხადეს, რომ კრემლევი „არასდროს განიხილავდა პოლიტიკურ საკითხებს თავის ამერიკელ მეგობრებთან და ნაცნობებთან“.
სენატორი კრის მერფი აკრიტიკებს რუსი ოლიგარქ უმარ კრემლევის მიერ დონალდ ტრამპ უმცროსის ქორწილის დაფინანსებას:
გარსიას საქმეზე გამოძიება შეიძლება გაფართოვდეს, თუ დემოკრატები ნოემბრის არჩევნებში აშშ-ის წარმომადგენელთა პალატაში კონტროლს დაიბრუნებენ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

იემენელი ჰუსიტები მუსლიმებისთვის წმინდა ქალაქს მექას დაესხნენ თავს

SOLO-ს განსაკუთრებული შეთავაზება ისთ ფოინთის დაბადების დღეს SOLO VISA ბარათის მფლობელებს

ახალი შეთავაზება TBC-ის პლატფორმაზე - დაიბრუნე ვაჭრობის საკომისიო და დასაჩუქრდი $500-მდე

აშშ-ის წარმომადგენელთა პალატამ დონალდ ტრამპ უმცროსის ქორწილის რუსი ოლიგარქ უმარ კრემლევის მიერ დაფინანსების გამოძიება დაიწყო