„ასოშიეითედ პრესის“ ცნობით, ტრამპის ადმინისტრაცია ემზადება, გააუქმოს 200 000-მდე უცხო ქვეყნის მოქალაქის ბიზნეს და ტურისტული ვიზები, რომლებმაც შეერთებულ შტატებში თავშესაფარი მოითხოვეს ან ამჟამად ითხოვენ მას. თუ ეს მოხდება, ეს იქნება აშშ-ის ისტორიაში ყველაზე მასშტაბური მასობრივი ვიზის გაუქმება.

სახელმწიფო დეპარტამენტის დოკუმენტებისა და აშშ-ის ორი ჩინოვნიკის თანახმად, სახელმწიფო დეპარტამენტი, სავარაუდოდ, უახლოეს კვირებში გამოაცხადებს 2016-დან 2026 წლამდე გაცემული ე.წ. B1 და B2 ვიზების გაუქმების შესახებ, რომელთა მფლობელებმაც განაცხადეს ან ამჟამად ითხოვენ თავშესაფარს.

„ჩვენ კოორდინაციას ვუწევთ სამშობლოს უსაფრთხოების დეპარტამენტთან იმ უცხოელი მოქალაქეების არაიმიგრანტული ვიზების იდენტიფიცირებისა და გაუქმების მიზნით, რომლებიც შეერთებულ შტატებში მოკლევადიანი ყოფნის მოთხოვნით ჩავიდნენ და შემდეგ მუდმივი ბინადრობის უფლებით თავშესაფარი მოითხოვეს“, - განაცხადა სახელმწიფო დეპარტამენტის წარმომადგენელმა ტომი პიგოტმა.

ჩინოვნიკების თქმით, მათი სტატუსის გაუქმება აუცილებლად არ გამოიწვევს მათ დაუყოვნებლივ დეპორტაციას. ოფიციალური პირების თქმით, თავშესაფრის მოთხოვნის პროცესში მყოფი ადამიანების უმეტესობა გადაკვალიფიცირდება, მაგრამ დაკარგავს ბიზნეს ან ტურისტული მოგზაურების სტატუსს.

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან

სოციალური ქსელები

AI-95 ბენზინი რუსული ბენზინგასამართი სადგურების 80%-დან გაქრა

ფონდი „ქართუ“ 2018 წელს ჩამოწერილ სესხებთან დაკავშირებით განცხადებას ავრცელებს

წლის დასაწყისიდან მეორედ, შეერთებულმა შტატებმა უარი თქვა გაეროში რუსეთის დაგმობაზე უკრაინაზე დარტყმების გამო

რუსი მოციგურავეების წყვილი საქართველოს სახელით იასპარეზებს